Hvernig á að ræna hraðbanka?

Stundum gerast undarlegir hlutir. Hraðbankar tæmast. Það hefur ekki verið brotist inní þá og greiðsluyfirlit sýna engar færslur. Bankinn hefur nú nákvæmt eftirlit með nokkrum hraðbönkum og loks tekst að góma menn sem taka peninga úr bönkunum. Nú kemur í ljós að notaður hefur verið USB lykill með afar háþróuðu forriti og jafnvel fyrir sérfræðinga í öryggismálum var hér eitthvað nýtt á ferðinni. Sérfræðingar hjá bandaríska fyrirtækinu CrowdStrike kynntu niðurstöður sínar á ráðstefnu í Hamborg. Hvað gerðu hraðbankaræningjarnir? Þeir boruðu gat á hraðbankann og stungu UBS lyklinum í tölvu bankans. Tölvan notaði Windows xp. Til þess að geta gert þetta urðu hraðbankaræningjarnir að hafa nákvæmar upplýsingar um innri gerð bankans. Þeir geta nú komið fyrir nýju forriti sem er í gangi samhliða gamla forritinu. Þeir verða nú að hylja gatið sem var borað svo ekkert sjáist. Nú hvernig er bankinn rændur? Slegin er tala sem vour 12 tölustafir. Þá birtist nýtt skjáborð. Ræninginn hefur nú samband símleiðis( það sést á myndavélum) og fær uppgefna tölu til að slá inn. Nú birtist nýtt borð og þá er hægt að tæma allan hraðbankann hólf fyrir hólf. Síða þarf að eyða heimildum um það sem fram fór. Sögu allra færslna er eytt. Hraðbankarnir voru vandlega valdir. Skráninganúmer eða upprunanúmer voru þekkt. CrowdStrike vildi ekki gefa upp um hvaða banka var að ræða. Myndir sem notaðar voru á ráðstefnunni bentu til að bankinn væri í Braselíu en líklega voru þær til að villa um fyrir ráðstefnugestum (spiegel).

USA; heimsmynd og sjálfsmynd repúblíkana byggir sífellt minna á vísindum...

Það væri nú að bera í bakkafullan lækinn að minnast á Brynjar, lögmann, Níelsson enda ætla ég ekki að gera það. Menntun og þekking lætur undan síga fyrir trú. Fólk á hægri væng stjórnmálanna færist inní heimsmynd liðins tíma. 33% bandaríkjamanna telja að menn hafi verið skapaðir og séu óbreyttir frá því. 66% telja að mannkyn hafi orðið til í þróun. 64% hvítra mótmælenda trúa á sköpun og óbreytileika. 48% repúblíkana telja að menn hafi verið skapaðir og síðan óbreyttir. 67% demókrata telja að menn hafi orðið til í þróun. Á undanförnum árum hefur sköpunarkenningu Gamla textamentisins greinilega vaxið fiskur um hrygg. Það hefur hið virta PEW rannsóknarsetur nú staðfest. USA sker sig úr. Trúarleg heimsmynd á miklu fylgi að fagna. 33% trúa á sköpun Guðs; guð skapaði manninn og þannig er hann í dag. Munurinn á stóru flokkunum hvað þetta varðar er að vaxa. 57% eru almennt hlyntir hugmyndum um sköpun. Guð skapaði manninn eða hann kom þróuninni af stað í þeim tilgangi að skapa manninn. Hlutfall þeirra sem trúa gamla og nýja Textamentinu bókstaflega, yfirboðsskilningur á orðinu, fer vaxandi en er hærra hjá hvítum en svörtum. Menntun skiptir miklu, 72% þeirra sem lokið hafa háskólamenntun aðhyllast heimsmynd náttúruvísinda. En pólitískar línur eru afar skýrar hjá repúblikönum. Þeir halda á víðar lendur trúarinnar. Margir forystumenn þeirra eins og t.d Rick Sanatorum hafa talað opinskátt gegn vísindalegri þekkingu. Í flokknum takast menn á. Eftir tapaðar kosningar 2012 sagði Bobby Jindal, ríkisstjóri í Louisinana : við verðum að hætta að vera heimski flokkurinn. (spiegel).

Vændi í Kína.

Li Zhengguo er 39 ára, einhleyp  og tveggja barna móðir. Hún á heima í Peking og er vændiskona. því fylgir mikil áhætta: ofbeldisfullir viðskiptavinir, hiv,umtal nágranna og lögreglan. Síðast þegar lögreglan tók hana fasta var hún á dóms og réttarhalda send í vinnubúðir þar sem hún var í hálft ár. Þar bjó hún til skrautblóm úr pappír og las reglugerðir sem banna vændi. Að hálfu ári loknu varð hún að borga fyrir dvöl sína í vinnubúðunum sem svarar 60 dollurum á á mánuði. Á síðasta ári lýstu stjórnvöld því yfir að þau ætluðu að afnema endurmenntun með vinnu en á þessu eru tvær undantekningar: annars vegar fíkniefnaneytendur og hins vegar vændiskonur og viðskiptavinir þeirra. Í vinnubúðum geta vændiskonur verið í allt að tvö ár. Þær vinna 7 daga vikunnar og fá engin laun.Fáir viðskiptavinir eru settir í slíkar vinnubúðir. Ætlað er að á hverju ári séu 18 til 28 þúsund konur sendar í slíkar búðir. Vinnubúðirnar eru í reynd fyrirtæki sem framleiðir mikið af vörum sem sáralitlum tilkostnaði. Hægt er að múta yfirmönnum og losna ef nægir peningar eru til. Þeir sem vilja heimsækja konurnar verða að borga aðgangseyri. Við stofnun Alþýðulýðveldisins var því lýst yfir að afnema ætti allt vændi og endurhæfa vændiskonur. Maó og aðrir kommúnistar litu á vændi sem kapítaliska kúgun. Lögð var mikil áhersla á þessa stefnu og vændi nánast útrýmt. Í upphafi 9unda áratugsins hefst markaðsvæðing í Kína og þá breytast hlutirnir hratt aftur. Í skýrslu SÞ var talið að allt að 6 milljónir kvenna stunduðu vændi. Mánaðarlaun Li s fyrir vændi eru eitt þúsund dollarar. Það er meira en þreföld mánaðarlaun ófaglærðs fólks. Li kann ekki að lesa. Ég er ómenntuð sveitastelpa og hef enga hæfileika segir hún. Li vann á svínabúgarði og hún hlær stundum dillandi hlátri. Hún treystir á fasta kúnna, aðallega gifta menn og einmana farandverkamenn. Ekki eru allir kúnnar heiðarlegir; sumir borga ekki og aðrir þykjast vera lögreglumenn. Sumir fá æðisköst ef Li gerir ekki það sem þeir biðja um. Ég hringi ekki í lögregluna segir Li. Húnn tekur alltaf afstöðu með kúnnanum. (The New York Times).

Útgerðarfyrirtæki hagræða og fækka frystitogurum.

Skýringar á fækkun eru ýmsar. Frá 2012 hefur verð sjófrystra afurða lækkað um 14%. Launahlutfall á frystitogurum er afar hátt og líklega hærra en hagkvæmt getur verið. Tækjabúnaður frystitogara er mjög dýr og í honum bundið mikið fé. Olíuverð hefur verið hátt undanfarin ár og ekki má gleyma veiðigjaldinu. Auk þess koma ýmis gjöld eins og til dæmis kolefnisgjöld. Nokkur útgerðarfyrirtæki hyggjast selja frystitogara. Má þar nefna Ögurvík, Þorbjörn hf.,Fisk Seefood, Brim hf,(Skálabergiðverður gert út frá Grænlandi). Stálskip og HB Grandi. Sveinn Hjörtur sem er hagfræðingur Líu segir að fyrirtækin eigi engan annan kost en að bregðast við með hagræðingu.

Af endalokum danskra kanilsnúða og goðsögum Heimssýnar.

Kassíukanill inniheldur mikið magn af efninu kúmarín. Efnið er talið skaðlegt fyrir lifur sé því neytt í miklu magni. Reglugerð ESB númer 1334 frá árinu 2008 takmarkar notkun kúmarín.  Venjulegar bakstursvörur mega ekki innihalda meira en 15 mg. Sé um hefðbundnar eða árstíðabundnar vörur að ræða má magnis vera 50 mg. Í Mbl.is, dv.is og vísir.is hefur verið talin hætta á því að kanilsnúðar verði bannaðir. Helstu bloggarar Heimssýnar létu ekki sitt eftir liggja og blogguðu um málið dag eftir dag.nekkert var skrifað um málið í dönsk blöð. Það virtist þó vera að dauð hönd skrifræðis í Brussel væri að gera atlögu að stolti danskra bakara. Nú er hægt að flokka dönsku kanilsnúðana sem árstíðabundna eða hefðbundna vöru. Þannig hafa Svíar bjargað sínum bollum. Danskir bakarar gætu hætt að nota kassíukanil og notað Ceylon kanil. Hann inniheldur mjög lítið magn af kúmaríni sem er kostur en hann er dýrari sem er ókostur. --Þessi bloggfærsla er sérstaklega tileinkuð ofurbloggurum Heimssýnar.

Evrusvæðið; eru vextir í jafnvægi?

Í Þýskalandi eru deilur um lága vexti. Sumir sparifjáreigendur tala um eignaupptöku þar sem vextir séu lægri en verðbólga. Sökudólgurinn er EZB- evrópski seðlabankinn. En hvað segir bankastjórinn, Mario Draghi? hann segir að Þjóðverjar séu alltaf óttaslegnir og búist við því versta. EZB stjórni ekki vaxtastiginu nema skammtímavöxtum. Bankinn hafi ekki áhrif á langtímavexti á fjármálamörkuðum. Þeir vextir skipti sparifjáreigendur mestu. Þessir vextir eru mjög lágir vegna þess mikla fjármagns sem streymir til Þýskalands erlendis frá. Þýskaland er talin örugg höfn þar sem margir vilja geyma peningana sína. Hvað er nú til í þessu? Seðlabankinn ákveður stýrivexti en þeir eru á lánum sem viðskiptabankar fá hjá bankanum. Venjulega er um skammtímalán að ræða. Þessir vextir eru nú 0.25%. þessir vextir hafa viss áhrif en ekki á langtímavexti. Þar ráða aðrir þættir svo sem mat fjárfesta á framtíðarhagnaði. Fyrir sparifjáreigendur eru raunvextir hins vegar neikvæðir. Á Spáni og Ítalíu eru bankavextir talsvert fyrir ofan verðbólgu. Í þessum löndum þarfnast bankarnir fjármagns í meira mæli en þýskir bankar. Fjárfestar treysta þýska ríkinu betur en því spánska og ítalska og þessa færa þeir fé sitt þangað. Ríkisskuldabréf til tíu ára eru með 1.5% vöxtum í Þýskalandi. Á Spáni eru slíkir vextir rúmlega 5%. En nú er málið líklega ekki eins einfalt og Draghi vill vera láta. EZB hefur haft áhrif á langtímavexti og hann hefur reynt mjög meðvitað að hafa slík áhrif.....(spiegel).

 

Um skítlegt eðli athugasemda á netinu.

Kjarni allra trúarbragða er kærleikur. Við eigum að elska náunga vorn eins og okkur sjálf ; þetta er kjarni gyðingsdóms og kristinnar trúar. Af þessu leiðir að við komum fram hvert við annað af hógværð,vinsemd og lítillæti. Nú hafa menn sem frekar eru þekkir fyrir aðra eiginleika í framgöngu og framkomu en þessa varað við illsku, grimmd, einelti og rógi í athugasemdum netmiðla. Þetta er góðra gjalda vert. Það er ljóst að ekki eru eingöngu blíðmæli að finna í slíkum kerfum. En það er einnig rétt að skoða söguna. Ef menn lesa dagblöð frá fyrri hluta síðustu aldar kemur fljótt í ljós að menn tókust hart á og ekki voru spöruð stóru orðin. Umræða um Uppkastið voru til að mynda afar hatramar. Erlendis hafa ummæli á netinu mikið verið rannsökuð. Sumt er afar viðkvæmt. Hvernig tjáir fólk sig um lækna sína eða lækna barna sinna á netinu? Umræður í athugasemdakerfum hér og nú verður að skoða í samhengi við þjóðfélagsástandið eftir Hrun. Þjóðin glataði sakleysi sinu. Við fólki blasti víðtæk spilling sérstakelga á sviði viðskipta. Það varð kristaltært að umfangsmikil efnahagsafbrot höfðu verið framin í aðdraganda hrunsins og eftir hrun. Í hruninu glötuðu margir miklu og sumir öllu af eigum sínum. Stór hluti þjóðarinnar átti og á í verulegum efnahagslegum vandræðum. það var og er mikil reiði og heift ríkandi. Hvernig gæti annað verið?

Brynjar Níelsson flytur ræðu í messu.....

Þetta gerðist í Seltjarnarneskirkju fyrsta dag ársins. Brynjar telur Íslendinga í góðum málum og vitnar til orða þekktra drykkjumanna í þekktum sjónvarpsþætti. Það er eitthvað sem mótar menningu okkar, listsköpun, vísindi og lög. Þetta mótandi afl er ekki síst kristin trú og kristin arfleifð segir Brynjar. Nú, þegar talað er um flókin mál er gott að allar skilgreiningar séu á hreinu. Í mannfræði sem fjallar mest fræðigreina um menningu eru trúarbrögð mikilvægur þáttur menningar. þannig að líklega hefði Brynjar átt að segja að trúarbrögð hefðu mótandi á aðra þætti menningar. Það er mér engan veginn ljóst hvernig trúarbrögðin (eða kirkjur hvers tíma ) höfðu mótandi áhrif á vísindi og þróun þeirra. En Brynjar gengur lengra og segir að kristin trú hafi verið ráðandi þáttur í lífi Íslendinga frá landnámi. Það er nú það. Næst þessu hefur kaþólska kirkjan líklega komist á blómaskeiði sínu á miðöldum. Hún var þá stærsti landeigandinn, klaustur voru starfandi um landið og kirkjan reyndi að stjórna öllu daglegu lífi manna. En nú er öldin örugglega önnur. Nú eru 76% landsmanna í þjóðkirkjunni og hefur fækkað um 16% á20 árum segir Brynjar réttilega. En hver er skýring hans? Brynjar telur að með nútíma upplýsingatækni sé auðvelt að skjóta úr launsátri og rægja. Fyrir þetta svar hefði hann fengið núll á öllum félagsfræðiprófum í öllum framhaldsskólum landsins. En nú kemur Brynjar að því sem honum liggur þyngst á hjarta en það lokað hefur verið á mest allt samstarf milli kirkju annars vegar og skóla/leikskóla hins vegar. Félög mega ekki gefa Nýja Textamentið og kynna kristna trú.Brynjar beinir hér máli sínu að ríki og sveitarfélögum. Af einhverjum undarlegum ástæðum hefur það farið framhjá Brynjari að við lifum í fjölmenningarlegu samfélagi þar sem trúfrelsi er tryggt í stjórnarskrá. Brynjar telur stefnu borgaryfirvalda, en orð hans virðast einkum beint til þeirra vera tilraun til að afkristna þjóðina(sic). Slíkt muni þó gerast á löngum tíma. Nú má það vera að komandi sveitastjórnarkosningar hafi brenglað dómgreind Brynjars. Ég veit það ekki. Fyrir mörgum árum las ég ágæta grein í trúarlífsfélagsfræði. Hún var um trúarlíf Íslendinga. Eðlilega var þar fjallað um trúarlíf innan fjölskyldunnar enda er hún hornsteinn samfélagsins. Þar var fjallað um hvernig mæður(frekar en feður) kenna börnum sínum að biðja. Ungar mæður voru taldar helstu og bestu stuðningsmenn kristni  og kirkju í landinu. Kannski skoðar Brynjar kristnina í landinu út frá þessu sjónarhorni í næstu messu.

Bill de Blasio borgarstjóri: nýr Messías frá New York.

New York er borg andstæðna. Hún er borg auðs og örbirgðar. Í borginni búa búa 400000 milljónamæringar($) og 70 milljarðamæringar ($). M Bloomberg margfaldur milljarðamæringur stjórnaði borginni í 12 ár. Hann stjórnaði borginni eins og risafyrirtæki og með harðri hendi. 21% íbúa borgarinnar lifa í fátækt. Það eru 1.7 milljón manna. 12000 fjölskyldur með börn eru heimilislausar. En hvað vill nýkosinn borgarstjóri gera?hann vill lægri leigu, hærri skatta á ríkt fólk , hjálp fyrir ólöglega innflytjendur og menntun fyrir alla. Eitt er ljóst; andstæðingar hans munu berjast af krafti gegn þessu öllu. de Blasio setur markið hátt. Hann er fyrsti demókratinn sem verður borgarstjóri í New York í 20 ár.Vinstri sinnar í demókrataflokknum hvetja hann til að snúa sér að stjórnmálum á landsvísu. Daily Kos sem er stjórnmálabloggsíða gerði það meðal annarra. En þetta verður ekki léttur leikur fyrir nýja borgarstjóran. Wall Street er helsta lind skatttekna og fyrirtæki í byggingargeiranum munu ekki afhenda peningana sína mótstöðulaust. Kannski er nýji borgarstjórinn að breyta því sem liggur handan hans valds. Lögmál markaðarins búa sífellt til ofurríka og sárafátæka. Bill er giftur svartri konu sem heitir Chirlane McCray. Þau eiga eina dóttur og einn son.

Predikun biskups á Nýársdag í Dómkirkjunni. Hvert var innihaldið?

Áramótin minna okkur á að enginn stöðvar tímans þunga nið. Ég geri ráð fyrir að biskup sé að meina enginn maður en guð sem hefur skapað tímann getur að sjálfsögðu stöðvað hann. Nema hann hafi ákveðið að vera ekki almáttugur um stundarsakir. Átta daga frá fæðingu átti að umskers barn Maríu og Jósefs og var hann látinn heita Jesus eins og engilinn hafði nefnt hann áður en hann var getinn í móðurlífi. Kristin trú skiptist í margar kirkjur og kirkjudeildir eins og allir vita. Staða Maríu er þar af leiðandi mjög mismunandi. Mest er hún tilbeðin hjá rómversk kaþólskum mönnum. Í kirkjum mótmælenda er tilbeiðsla Maríu nánast engin. Luther réðst hart gegn þeirri skoðun að María væri einhvers konar himnadrotning eða að hún hefði stöðu á milli manna og guðs. Hjá Luther var María dæmi um kristilegan hreinleika og hógværð en ekki annað. Hjá mótmælendum er boðun Maríu enn frásögn af Maríu heldur er frásögnin af Jesus. Biskup minnist á björgunarsveitir og hjæalparstarf krikjunnar. Biskup lýsir einnig söfnun fyrir Landsspítalann sem fór fram í sóknum landsins. Það hefur oft komið fram að kirkjan ( hér Þjóðkrikjan) hefur hvergi mér vitanlega sett fram þjóðfélagskenningu líkt og t.d. rómversk kaþólska kirkjan. Það er hvergi hægt að lesa um heildstæða sýn krikjunnar á þjóðfélaginu.Á kirkjan að vera fleinn í holdi samfélagsins? Samviska þess sem gagnrýnir vanrækslu þess og syndir?Þetta eru grundvallaratriði. Auðvitað er það gott að styðja brýn verkefni enda eru ótrúlega mörg samtök sem gera það á Íslandi. Hvað þetta varðar er kirkjan ein af fjölmörgum.Grundvallaratriðið snýr hins vegar að skiptingu þjóðartekna í einkaneyslu og samneyslu og hlutverk velferðarkerfis. Þeirri spurningu verður kirkjan að svara. Biskupinn fer nú nokkrum orðum um traustið sem er eðlilegt. Traustið er eitt af því sem heldur samfélögum saman. Sumt er erfitt að skilja vegna þess hvernig það er sett fram. Tökum dæmi :"Margir fóru til dæmis í bankann til að taka út sparnað sinn sem ekki var lengur til staðar". Nú; fór fólk í banka en gat ekki tekið út sparnaðinn? Ríkisstjórn Geirs Haarde lýsti því yfir að ríkisvaldið tryggði allar innistæður hér á landi; hvað gerðist eiginlega? Það er eitt af grundvallaratriðum í mannlegum samskiptum að virða skoðanir annarra, segir biskup. Hér slær illilega út í fyrir biskupi. Allir hafa tjáningarfrelsi og rétt á því tjá skoðanir þinar. Ég er ósammála þér ritaði eitt sinn heimspekingur en ég skal deyja fyrir rétt þinn til að tjá skoðanir þínar. Hér hefur heimspekingurinn augljóslega rétt fyrir sér en biskup ekki. Það er siðferðilega ámælisvert að virða skoðanir sem sannanlega eru rangar. Við höfum öll margar og mismunandi skoðanir. Við skiptum um skoðun og skoðanir okkar breytast. Við reynum að sannfæra annað fólk og annað fólk reynir að sannfæra okkur. Það er hluti lýðræðis að taka þátt í þessum leik. Menn geta deilt hart og haft mismunandi skoðanir en verið góðir vinir. Orð biskups bera vott um barnaskap og líklega yfirborðsmennsku. Biskup telur margt ljótt í athugasemdakerfum á netinu og hvað þetta varðar er hún sammálaa forseta lýðveldsins. Biskupinn telur að hægt sé að búa til betra þjóðfélag með því að hver og einn breyti hugsun sinni. já, þeir sem stunda innhverfa íhugun segja þetta líka. Það er margt ljótt i íslenskri stjórnmálabaráttu og valdakerfi. Að sumu leiti eru stjórnmálin utan siðalögmála. Menn segja ekki satt, menn svikja hvern annan, menn fara á bak við hvern annað, menn sigla undir fölsku flaggi, það eru skipulagðar rógsherferðir, og svo framvegis.; sagnfæðingar og stjórnmálfræðingar geta nefnt fjölmörg dæmi um hvert og eitt. Skyldi biskupinn hafa jafnmiklar áhyggjur af þessu og ljótum ahugasemdum á netinu?