Woody Allen hafnar ásökunum um barnaníð.

Fjölskylduharmleikurinn heldur áfram. Woody Allen hefur skrifað opið bréf í NYT og segist aldrei hafa misnotað dóttur sína. Hann gagnrýnir fyrrverandi konu sína Miu Farrow harðlega. Allen segist hafa elskað dóttur sína Dylan og viljað reynast henni góður faðir. Dylan Farrow skrifaði grein í NYT fyrir fáum dögum og sakaði Allen um að hafa misnotað sig. Sú grein vakti mikla athygli og mikla umræðu. Í greininni lýsir Dylan atvikum nákvæmlega. Hún ásakar einnig Hollywood, kvikmyndiðnaðinn, um að þagga þetta mál niður. Í skilnaðarmálaferlum hafði Mia Farrow hafði lýst grun sínum um misnotkun. Allen telur að Mia láti stjórnast af hefndarhug vegna sambands hans við fullorðna ættleidda dóttur Miu. Hún heitir Sun Yi Previn og hafa þau Allen búið saman í fjölda ára og hafa einnig ættleitt börn. 1994 var það niðurstaða dómara í New York að ásakanir um barnaníð styddust ekki við haldbærar sannanir. Hann svipti Allen forræði með þeim rökum að hann væri sjálhverfur og ekki treystandi fyrir umönnun  og forsjá barna. 

Sprengjur í tannkremstúpum eða vanmáttur hins sterka.

Vetrarolympíuleikarnir njóta gífurlegar athygli um allan heim. Margt kemur til. Þetta er ein af stærstu íþróttaviðburðum ársins. Keppendur fjölmargra þjóða keppa í erfiðum keppnum. Í mörgum löndum eins og í Noregi njóta vetraríþróttir sérstakrar virðingar. Stjörnur í vetraríþróttum eru helstu stjörnur landsins og mikilvægar fyrirmyndir bæði barna og unglinga. Þetta er bjarta og ljósa hlið leikanna. En til er önnur hlið og dekkri. Hún afhjúpar yfirgengilega spillingu, mútugreiðslu, gróf og víðtæk mannréttindabrot og aðra glæpi. Slíkur er hinn kaldi veruleiki í Rússlandi Putin. Putin dreymir um að verða Pétur mikli. Fyrrum leyniþjónustuforingi vill byggja minnisvarða um sjálfan sig sem mun standa um aldur og æfi. Putin tekur mikla áhættu en slæm pólitísk staða hans neyðir hann til þess. Rússar þurfa að óttast margt m.a. hryðjuverk. Menn óttast svartar ekkjur. Stjórn USA hefur varað við sprengjum í tannkremstúpum. Hægt er að setja sprengiefni í alls konar snyrtivörur og setja efnin saman á meðan á flugi til Rússlands sendur. Ef sprengumanninum er sama um eigið líf opnast ótrúlegir möguleikar. Það er ekki víst að Sotschi verði fyrir árásum verði fyrir árásum heldur önnur svæði utan við eða nálægt. Öryggisgæslan er fjölþjóðleg. Bandarísk herskip taka þátt í hendi ásamt leyniþjónustum fjölmargra landa. Það er undarleg þversögn en sá sem hefur algera hernaðaryfirburði getur ekki alltaf sigrað þann sem er veikari. Henry Kissinger hélt því einu sinni fram að afar óliklegt væri að gerð yrði hryðjuverkaárás á USA. USA gæti slegið þúsund fallt til baka. Hann hafði rangt fyrir sér það nægir ekki að geta slegið þúsundfallt til baka. Lausnin felst ekki í hernaðarlegri valdbeitingu.

Woody Allen sakaður um barnaníð.

Woody Allen er heimsfrægur leikstjóri, leikari og rithöfundur. Kvikmyndir hans hafa jafnan verið vinsælli í Evrópu en í USA. Kvikmyndir hans hafa einkennst af skemmtilegum tilsvörum, heimspekilegum vangaveltum um lífið og tilveruna og áleitnum spurningum um siðferðileg viðfangsefni. Nú begður svo við að ættleidd dóttir Dylan Farrow sakar Allen í opnu bréfi um að hafa beitt sig kynferðislegu ofbeldi. Í bréfinu sem hefur birst í bandarískum stórblöðm lýsir hún öllu af nákvæmni. Dylan er nú 28 ára og hún lýsir atburðum sem áttu sér stað 1992.  Mia Farrow og Allen sem bjugga saman um árabil ásakaði hann á sínum tíma um slíkt athæfi. Þau skildu eftir 12 ára sambúð 1992 og Mia fékk forræði yfir börnunum. Allen neitaði allri sök og 1997 hóf hann sambúð með Soon Yi sem þá var fullorðin kona en var áður ættleitt barn Miu.  Þau hafa búið saman síðan og eiga tvö ættleidd börn. Dylan segir í bréfinu að hún hafi þjáðst mikið árum saman en nú vilji hún koma fram og segja sögu sína. Megi það verða öðrum fórnarlömbum kynferðislegs ofbeldis hvatning og stuðningur. Dylan segir að samfélagið bregðist fórnarlömbunum en ofbeldismennirnir séu þeir frægir baði sig í sviðsljósinu. Woody Allen vill ekkert tjá sig um efni bréfs Dylan.

Hagstofa Englands um áhrif kreppunnar.

Hagstofa Englands (ONS) hefur nýlega birt hagtölur um áhrif kreppunnar á helstu hagkerfi heims. Síðan 2009 hefur samdráttur í Japan verið 9.2%, í Bretlandi 7.2% , í Ítalíu 7.2%, meðaltal í ESB er mínus 5.8% og USA er -4.1%. Hlutfallslega flest störf hafa glatast í Bretlandi. Bretland er miðstöð fjármála og í fjármálakreppum verður landið eðlilega illa úti. Heimsviðskipti hafa dregist saman og þess vegna verður Japan illa úti. Utanríkisviðskipti skipta USA litlu máli og fjármálakerfið er ekki eins mikilvægt og í Bretlandi. Í flestum stóru hagkerfunum er atvinnuþátttaka um 70%. Atvinnuþátttaka hefur minnkað umtalsvert í USA en aukist í Þýskalandi. Síðan 2007 hafa raunlaun lækkað um rúm 6% í Bretlandi. Á sama tíma hafa raunlaun hækkað í Þýskalandi og Frakklandi um 3%. Af öllu þessu verður ljóst að Bretland hefur komið ákaflega illa út úr fjármálakreppunni. Framleiðni hefur minnkað í Bretlandi um 0.6% á ári síðan 2008. Framleiðni hefur hins vegar vaxið umtalsvert í USA. (www.ons.gov.uk)