Brottfall nemenda úr framhaldsskólum , vor 2013.

Menntamálaráðuneytið hefur gefið frá sér skýrslu þar sem er að finna lýsingu á helstu ástæðum brottfalls. Í framahldsskólum landsins stunduðu um 25000 nemendur nám á vorönn 2013. Samkvæmt upplýsingum frá 28 skólum af 31 hurfu 1002 nemendur frá námi án þess að ljúka prófum. 117 fóru í annan skóla þannnig að 885 hverfa frá námi(alveg eða tímabundið). 251 féll á mætingu og er það langstærsti hópurinn. 115 fóru að vinna og 63 hættu vegna líkamlegra veikinda.78 hættu vegna geðrænna veikinda.Tæp 18% nema sem hætta gera það vegna veikinda.  61 nemenda var vikið úr skóla vegna brots á skólareglum. Af þeim sem innritast í framhaldsskóla hér á landi ljúka 45% einhverri prófgráðu á fjórum árum eða skemur. Í Noregi er hlutfallið 57% og í Danmörku 61%. --Skýrslan er gagnleg svo langt sem hún nær. Ljóst er að samsetning nemendahópsins eftir skólum er mismunandi. Félagslegt umhverfi skólanna er einnig mismunandi. Í skýrslunni er brottfall ekki greint niður eftir skólum , deildum skóla og svo frv. Að öðru jöfnu ættu lokaeinkunnir í grunnskóla að gefa bestu vísbendingu um hugsanlegt brottfall. Stóri hópurinn er sá sem fellur á mætingu; en hverjar eru skýringar? vinna með skóla kemur niður á námi? óheilbrigður, óreglulegur lífsstíll, óregla, ; allt önnur áhugamál? Í skýrslunni er ekki leitað skýringa. 

Hanna Birna Kristjánsdóttir, innanríkisráðherra kærð.

Samkvæmt fréttum Rikisútvarpsins hefur ráðherran verður kærður. Lögmaður hælisleitandans Tony Osmos leggur fram kæruna og er hún á hendur ráðherranum og öllum starfsmönnum ráðuneytisins vegna meints leka á trúnaðargögnum. Lögmaðurinn telur að lekinn hafi borist úr ráðuneytinu. Ef það reynist rétt er um grafalvarlegt mál að ræða. Ísland er aðili að fjölmörgum alþjóðlegum samningum og slíkur leki er alvarlegt brot á mannréttindum. Nokkrir fjölmiðlar hafa skrifað um þetta mál en DV hefur skrifað langmest og ítarlegast um málið. Morgunblaðið og Fréttablaðið skrifuðu fréttir sem byggðust á minnisblaði úr innanríkisráðuneytinu(sic). Málefni Útlendingastofnunar hafa oft verið til umræðu og stofnunin harðlegt gagnrýnd af margvíslegum ástæðum. Kæra lögmannsins inniheldur 7 kæruliði. Í DV neitar aðstoðarkona ráðherrans því að kær hafi borist. Gísli Freyr sem er annar aðstoðarmaður hennar hefur orðið margsaga í málinu. Hanna Birna hefur verið spurð um málið yfir nefnd á Alþingi en einnig í óundirbúnum fyrirspurnartímun en án þess að geta gefið viðhlítandi skýringar. 

Ótti við útlendinga í Bæjaralandi.

CSU eða kristilega bandalagið í Bæjaralandi hefur beitt sér gegn ótakmörkuðum innflutningi fólks frá Rúmeníu og Búlgaríu. Þeir hafa bent á að það sé ekki eingöngu menntað fólk eins og verkfræðingar sem vilji koma til þýskalands. Umfjöllun um útlendinga á sér hefð í Þýskalandi. Þýska efnahagsundrið byggðist að miklu leiti á innfluttu vinnuafli. En hvað óttast Bæjarar?Þeir óttast að mikið af fátæku og ómenntuðu fólki komi til landsins. Þeir óttast að það verði byrði á velferðarkerfinu. Þeir óttast bótasvik...Og þeir óttast Roma og Sinti. Í Brussel eru menn annarrar skoðunar. Aðflutt vinnuafl mun gagnast þýsku hagkerfi. Menn gera að því skóna að CSU sé að verða að teboðshreyfingu Þýskalands. Ýmis rök má færa þeirri staðhæfingu til stuðnings ; CSU menn hafa sagt : sá sem verður uppvís að bótasvikum, honum spörkum við úr landi. Jafnvel það að vera atvinnulaus í Þýskalandi er betra hlutskipti en að vera í illa borgaðri vinnu í Rúmeníu eða Búlgaríu. Í Þýskalandi fá menn t.d. barnabætur. 2013 fengu rúmlega 32000 Rúmenar og Búlgarir barnabætur í Þýskalandi. Roma fjölskylda með 6 börn getur fengið 3000 evrur. Slík mál eru nú útkljáð fyrir dómstólum. Þýskaland er og hefur verið mjög opið gagnvart útlendingum. Án þeirra hefði þýska efnahagsundrið ekki átt sér stað. Málið er hins vegar mjög tilfinningabundið af sögulegum ástæðum. 

USA ; þungir dómar í hvítflibbaafbrotum.

Í blaðinu The Wall Street Journal birtist grein um 10 þyngstu dóma í þessum brotaflokki. Greinin birtist í desember síðastliðnum. Þyngsta dóminn til þessa hefur hlotið Sholam Weiss eða 835 ár. Hann var dæmdur fyrir margvísleg fjársvik , m.a. peningaþvætti. Keith Pound var dæmdur í 740 ára fangelsi en dó í fangelsi 2004 og var þá 51 ára gamall. Neðar á listanum er Bernie Madoff en hann var dæmdur í 150 ára fangelsi. 17 milljörðum dollara stal hann frá ýmsum fjárfestum en mál hans voru mikið í umfjöllun fjölmiðla. Neðstur Á 12 manna lista WSJ er Martin Sigillto en hans dómur var 40 ár. Hann hafði sett upp Ponzi-svikamillu. --Hvítflibbaglæpir eru iðulega flóknir og erfiðir í rannsókn. Á heimasíðu FBI má lesa um Enron málið. Starfsmenn FBI tóku 1800 viðtöl(yfirheyrsla) og gögn málsins voru í meira en 3000 stórum pappakössum. 22 menn voru dæmdir í málaferlum vegna afbrota þar á meðal allir helstu yfirmenn fyrirtækisins. 

Grænland; Hans Enoksen stofnar nýjan flokk , Partii Naleraq.

Hans Enoksens hefur nú hafið undirskriftasöfnun og það er nauðsynlegt að hafa 964 nöfn til að stofna flokk. Að sögn Hans ætlar flokkurinn að leggja áherslu fiskveiðar og byggðasjónrmið sem hafa verið vanrækt að hans mati. Hann vonast til að hægt verði að safna nægilegum fjölda undirskrifta á næstu mánuðum og haægt verði að halda landsfund og stofna flokkinn á vormánuðum. Hann segist hafa orðið var við víðtækan stuðning og margir hafi haft samband. Deilumál í grænlenskum stjórnmálum eru af margvíslegum toga og ekki auðvelt að setja sig inní þau með skjótum hætti. Það er ljóst að námuvinnslan, sérstaklega vinnsla uran, er erfitt deilumál. Annað er fiskveiðistjórnun og útdeiling kvóta. Þar eru menn sakaðir um að hygla vinum sínum. Sakbandið við Dani skiptir máli. Hvað sem því líður er ljóst að grænlenskt samfélag er á sögulegum tímamótum og afar mikilvægt að sterk politísk forysta verði til í landinu. 

ESB; 2014 er ár mikilvægra ákvarðanna, ræða V Reading.

Vivianne Reading sem er varaforseti framkvæmdastjórnar og dómsmálastjóri hélt mikilvæga ræðu um stöðu mála og þróunina á þessu ári.  Árið 2013 einkenndist mikið af uppljóstrunum um víðtækar njósnir. Ríki ESB hafa mótað sameiginlega stefnu hvað varðar netöryggi og gagnavernd. Ljóst er að fólk gerir miklar kröfur um vernd gagna og það verður að verða við þeim kröfum. Kosningar til Evrópuþingsins eru í maí og hin djúpa kreppa hefur hraðað mjög efnahagslegri sameiningu og samstilltri frjármálastefnu. Slíkt hefði ekki verið hugsanlegt fyrir nokkrum árum. Ef við verðum að halda áfram. Það verður að fara fram lýðræðisleg umræða um það hvernig áframhaldandi uppbygging á ð eiga sér stað. Kreppan hefur sýnt okkur að alildarríkin eru ekki eylönd. Það sem gerist í einu ríki hefur áhrif á öll önnur. Tökum bankabandalag sem dæmi (bankunion). Nýlega komu Frakkar með mjög uppbyggilegar tillögum í þessum málaflokki. Við þörfnust raunverulegrar pólitískrar einingar (polital union). Við þurfum að byggja upp bandaríki Evrópu með framkvæmdastjórnina sem ríkisstjórn og tvær þingdeildir, þ.e. Evrópuþingið og þjóðþing aðildarríkjanna. Um þetta er að sjálfsögðu mjög skiptar skoðanir og þarf að ræða til hlítar. Umræða þarf að vera mjög breið og almenn. Til eru efasemdamenn og það er eðlilegt. Kosningaþátttaka til Evrópuþingsins  hefur minnkað mjög mikið síðan 1979. En kosningarnar í vor eru afar mikilvægar. Þær snúast um framtíð Evrópu. (Þannig er samantekt á ræðu V Reading.) Það er auðvitað kunnara en frá þurfi að segja að ESB er fjölmenningarlegt og fjölþjóðlegt samfélaga. Mikill fjöldi tungumála er talaður innan sambandsins. Saga 20. aldarinnar er saga skelfrilegra átaka í Evrópu. Skuldakreppan í Suðurhluta Evrópu hefur skapað mikla spennu innan sambandsins. Það er öllum ljóst að framtíðarverkefnin eru erfið en þar að afar mikilvægt að farsæl lausn finnist. 

Hundrað ár frá upphafi fyrri heimsstyrjaldar.

Þetta mannskæða stríð hófst í ágúst 1914 og lauk í nóvember 1918 með uppgjöf Þjóðverja. Í stríðinu féllu 10 milljónir manna, 20 milljónir særðust og mikill fjöldi missti heimili sín. Á þessu ári verður tímamótanna minnst með margvíslegum hætti. An efa verða fjölmargar bækur gefnar út um stríðið, haldnar ráðstefnur og fleira í þeim dúr. Annar af stóru háskólum Berlinar Freie Universitat hefur nú sett á netið alfræðirit sem fjalla á um allar hliðar þessa skelfilega stríðs. Aðallega var barist í Evrópu en stríðið hafði áhrif út um allan heim. Það hafði líka djúptæk áhrif á þá menn sem börðust í stríðinu. Sumir sagnfræðingar líta á fyrri og seinni heimsstyrjöldina sem borgarastríð í Evrópu. Alþjóðlega alfræðiritið er alþjóðlegt rannsóknarverkefni. Slóðin er : www.1914-1918-online.net.

Stríðsglæpir í Frakklandi 1944 ; nú er ákært í Dortmund.

Áttatíu og átta ára gamall íbúi í Köln er ákærður fyrir að hafa tekið þátt í aftöku meir en 600 manna í franska þorpinu Oradur-sur Glane. Í lok stríðsins frömdu SS sveitirnar skelfilega og óskiljanlega stríðsglæði. Fjöldaaftakan í franska þorpinu er nánast tákn fyrir þessa glæpi. Gamalmennið er nú ákært fyrir morð á 25 mönnum og aðstoð við morð á mörg hundruð mönnum. Alls voru 642 teknir af lífi í franska þorpinu. Þegar þessir atburðir gerðust var gamli maðurinn 19 ára gamall. Þess vegna verður málið fyrst að fara fyrir ungmannadóm (Jugendkammer) og þar verður úr því skorið hvort af aðalmerðferð verður. Verjandi mannsins segir að hann viðurkenni að hafa verið á staðnum en hann hafi ekki tekið þátt í morðunum og engu skoti skotið. 10. júni 1944 voru næstum allir íbúar franska þorpssins drepnir. Drepnir voru 642 og þar af voru 207 börn. Eitt barnanna var viku gamalt. Íbúum þorpsins var safnað saman á markaðstorginu og konur og börn lokuð inni í kirkju þorpsins. SS mennirnir kveiktu í og brenndu öll hús þorpsins til grunna. Flestir dóu í eldi en aðrir voru skotnir. Sex mönnum tókst að komast undan. ákærði á að hafa staðið vörð við krikjuna. Enn leita menn skýringa á þessum stríðsglæp. 

Hvað er að gerast í grænlenskum stjórnmálum?

Hammond formaður heimastjórnar hefur verið sökuð um einræðistilburði sem hún neitar.Eftir sem áður ríkir nú vantraust milli hennar og almennra flokksmanna. Mikla athygli vekur að Hans Enoksen hefur sagt sig úr flokk sínum Siumut en hann leiddi flokkinn á árunum 2001 til 2009. Alega Hammond hefur gefið í skyn að samband Hans við yngri flokksmenn hafi einkennst af spennu. Hans hafði orðið var við ýmsar breytingar innan flokksins eftir að hann konst í stjórn. Hann vildi ekki taka þátt í nefndastörfum og áhrif hans voru takmörkuð. Nokkrar deilur urðu um það þegar Tom Ostermann var ráðinn sérstakur ráðgjafi sjávarútvegsráðherrans Karl Lyberth. Karl sagði af sér ráðherradómi þar sem hann hafði ekki fengið samþykki flokksins auk þess sem hann er skyldurr Ostermann. Miklar deilur hafa verið innan Siumut vegna námuvinnslu á Grænlandi. Bann við greftir uran í námum var samþykkt með eins atkvæðis meirihluta. Á stuttum valdatíma sínum hefur Hammond breytt ýmsu. Bannið er eitt, annað er að hún breytti lögum um gjaldtöku af erlendum námufyrirtækjum og þriðja er að hún lýsti því yfir að hún hefði ekki persónulegt, tilfinningalegt samband við Danmörku. Þau ummæli urðu reyndar mjög umdeild. Julie Rademacher efast mjög um forystuhæfileika Hammond og telur hana alls ekki valdi þeirri stöðu sem hún hefur. (articjournal.com)

USA; helmingur svartra karla og 40% hvítra handtekinn við 23 ára aldur.

Þetta eru niðurstöður nýrrar rannsóknar sem birtust í virtu tímariti um afbrotafræði. Það er ljóst að handtaka svo ungra manna getur haft afgerandi áhrif á líf þeirra. Það getur haft neikvæð áhrif á skólagöngu ,möguleika á að fá vinnu og taka eðlilega þátt í daglegu lífi. Rannsóknin byggðist á gögnum sem aflað var 1997 til 2008 og tók til afbrotasögu unglinga og ungra manna. Brotin voru ýmis konar allt frá því að vera drukkinn á opinberum st0ðum til ofbeldisverka. Ekki var tekið tillit til minniháttar umferðarlagabrota í rannsókninni. Við 18 ára aldur höfðu 30% svartra unglinga/karla verið teknir höndum af lögreglu. 26% karla af spænskum uppruna höfðu verið handteknir og 22% hvítra. Við 23 ára aldur voru tölurnar 49% , 44% og 38%. Hjá ungum konum voru tölurnar allt aðrar. Við 18 ára aldur höfðu 12% hvítra verið teknar fastar en 11.8% hjá bæði svörtum og spænskumælandi. Við 23 ára aldur voru tölurnar hvítar 20%, svartar 16%, og spænskumælandi 18%.

Ýmislegt má segja um þetta. Tölurnar virðast skelfilega háar. Fjöldi fanga í USA er mjög hár í alþjóðlegum samanburði. Ungir svartir karlar eiga greinilega í mestum erfiðleikum. Þátttaka í unglingagengjum, litlir möguleikar á vinnumarkaði og karlmennskuímynd; allt þetta þarf að skoða. Merkilegur munur er á svörtum körlum og konum....