Helblá ríkisstjórn í Noregi.

Loksins er það ljóst að Framafaraflokkurinn og Hægri munu mynda stjórn. Venstre og Kristilegi þjóðarflokkruinn ætla að styðja stjórnina og vinna með henni að einhverju leyti. Það er hins vegar óljóst á hvern hátt samvinnan mun binda flokkana tvo. Það er ákveðið að hafa samráð allra flokkanna um mikilvæg mál en það er engin skuldbinding að styðja t.d. fjárlagafrumvarpið. Það er ljóst að Venstre og Kristielgi þjóðarflokkurinn ætla sér að hafa margvísleg áhrif. Allar tillögur Framfaraflokksins munu verða ræddar á samráðsfundum allra flokkanna og á þeim vettvangi er hægt að sníða af þeim verstu vankanta. Fjölmörg hagsmunasamtök bíða nú þess sem koma skal. Í samstarfsyfirlýsingu flokkanna er fjallað mjög stuttaralega um landbúnað. Merkir þetta að niðurskurður styrkjakerfis sé á dagskrá? Vinnumarkaðsmál eru varla nefnd á nafn í yfirlýsingunni. Ætlar hægri stjórnin að breyta vinnumálalöggjöfinni? Afnema réttindi? Komandi mánuðir og ár munu veita svar við þessu.(klassekampen.no)

Sjávarútvegurinn 2012.

Heildaraflinn var tæp 1500 þúsund tonn. Aflinn jókst um 300 þúsund tonn frá fyrra ári. Hlutur uppsjávarafla var tæplega 70% af magni en tæp 30% af verðmæti. Magn botnsfisksafla var 29% en verðmæti 61%. Aukning í afla uppsjávarfisks milli ára var 41%. Í tonnum talið var mest aukning í loðnuafla. Aukning í þorskafla var 23 þúsund tonn. Aflaverðmætið nam 159 milljörðum á verðlagi ársins. Þorskaflinn var 205 þúsund tonn eða 14% heildaraflans. Verðmæti voru tæpir 50 milljarðar. Loðnuaflinn var 569 þúsund tonn sem er aukning um 240 þúsund tonn á milli ára. Af makríl veiddust 152 þúsund tonn. Afli smábáta var 84 þúsund tonn eða 6% heildarafla. 53 þúsund tonn af aukaafurðum féllu til á árinu. 

 

Forsendur fjárlagafrumvarps standast ekki.

Ummæli Þorsteins Víglundssonar framkvæmdastjóra SA vekja nokkra athygli. Hann telur 2.7% hagvöxt óraunsæan( nema miklar breytingar verði á skömmum tíma). Gert er ráð fyrir 5.5% launahækkunum og 3% verðbólgu. Ekki er þetta sannfærandi ; mikil aukning framleiðni og batnandi viðskiptakjör? Styrking krónunnar? Kaupmáttat aukning ætti að 2.6% en er það raunsætt þegar fjárfesting er í lágmarki. Erlendar fjárfestingar hafa sína galla hefur mönnum skilist. Þorsteinn telur að hugmyndir um verðbólguþróun séu ekki raunhæfar. Reynslan sýni að 5.5% hækkun nafnlauna standist ekki. Þorsteinn er ósáttur við litla lækkun á tryggingargjaldi. Annars eru skoðanir manna á fjárlagafrumvarpinu af ýmsum toga. Stefán Ólafsson telur að um litlar breytingar sé að ræða. Frumvarpið sé í reynd framlenging á frumvarpi Vinstri stjórnar. Ef þetta er rétt merkir það ýmislegt ; öll kosningaloforð B og D hafa verið svikið!! Bókhald er túlkun og all nokkur skáldskapur. Jöfnuður á næsta ári virðist hreinn skáldskapur....

Gallaðar erlendar fjárfestingar og lántökur.

SDG sagði nýlega að erlent fjármagn hefði sína galla og svipaði til erlendrar skuldsetningar. Þess vegna væri betra í mörgum tilvikum að fjárfestingin væri innlend. Þessi orð hafa valdið mörgum heilabrotum. Iðnaðarráðherra tók sig til og reyndi að útskýra hvað forsætisráðherra hefði verið að meina(!). Hún bætti því við að ekki væri gott að lífeyrissjóðir fjárfestu of mikið í áhætturekstri. Það væri leikur með lífeyri landsmanna. Nú hafa hagfræðingar gert umfangsmiklar rannsóknir á áhrifum erlendrar fjárfestingar. Komið hefur í ljós að erlend fjárfesting skilar meiri hagvexti en innlend. Fjárfestir tekur mun meiri áhættu en lánveitandi og gildir það jafnt um erlenda aðila og innlenda. Erlend fjárfesting er ekki bara peningar. Henni fylgir gjarnan víðtækt tengslanet inná erlenda markaði. Össur, Marel og CCP eru dæmi um íslensk fyrirtæki sem hafa vaxið vegna erlendrar fjárfestingar.

Stjórnarmyndun undir 42 augum.

Í Þýskalandi eru fyrstu viðræður að hefjast milli SPD, CDU og CSU. Kristilegir demókratar senda 14 fulltrúa á vettvang og jafnaðarmenn 7. Báðir aðilar hafa langan óska-og kröfulista og hvorugur vill gefa mikið eftir. Taktískar yfirlýsingar eru þegar hafnar. Fjöldi fulltrúa hefur vakið kátínu. Hvers vegna ekki að hafa viðræðurnar í þingsal Bundestages? Stjórnarmyndun þessara flokka árið 2005 krafðist ekki svo mikils fjölda. Fjórir stjórnmálaleiðtogar mynduðu þá stjórn, ákváðu stjórnarsáttmála og ráðherraskipan. Greinilega ríkir nú ekki jafn mikið traust milli flokkanna og þá. Nú munu jafnaðarmenn væntanlega hugsa sig um og bæta 7 fulltrúum við. Jafnræði verður að vera.

Kosningar í Austurríki. Andstæðingar ESB með 30% fylgi.

Í kosningum í Austurríki hélt stjórn jafnaðarmanna SPÖ og hægri flokksins ÖVP velli. Meirihlutinn stendur tæpt og flokkarnir töpuðu fylgi. Kanslari heitir Faymann og er jafnaðarmaður. Jafnaðarmenn fengu 27.% atkvæða en hægriflokkurinn 23.8%. FPÖ sem er hægri flokkur fékk 21.4% og bætti verulega við sig. Græningjar fengu 11.5%. Flokkur Franks Stromachs sem er áttræður milljarðamæringur fékk 5.8% og komst á þing. Flokkurinn er andstæðingur evrusamstarfs.  Neos fengu 4.8% og komust einnig á þing en í Austurríki er 4% atkvæða lágmark. Á þinginu eru 183 sæti og hafa stjórnarflokkarnir og hafa stjórnarflokkarnir 99 sæti samtals. Í öðrum löndum Evrópu hafa andstæðingar ESB og evrusamstarfs boðið fram . Í Þýskalandi fengu AfD 4.8% atkvæða. Í Hollandi fékk PVV 10% og Sannir Finnar fengu 19.1%. Í mörgum málum sem snerta Evrópusamstarf er aukinn meirihluti (2/3) nauðsynlegur. Í Austurríki er landlægt að kenna Brussel um það sem vanrækt hefur verið í eigin ranni. Það verður fróðlegt að fylgjast með framvindu mála í Austurríki.

Bankahruni ýtt úr vör.

Sigurður G Guðjónsson lögmaður skrifar grein í pressan.is og minnir á dagsetninguna 29.9 2008. Að morgni  þessa dags tilkynnti þáverandi formaður stjórnar Seðlabankans að ríkið myndi eignast 75% hlut í Glitni hf. Á þeirri stundu voru engin skrifleg gögn til um þessa afdrífaríku ákvörðun. Frjálshyggjan komst til valda á Íslandi á síðasta áratug 20. aldar. Þessi stefna hafði afgerandi áhrif á skipan efnahagsmála hér á landi. Mikið vald var fært frá hinu opinbera sviði til einkaaðila. Eðlilega gátu stjórnmálamenn ekki stýrt öllum einkaaaðilum. Sköpunarverkið snerist gegn skapara sínum. Einkavæðing í fámennu klíkusamfélagi getur aðeins orðið með einum hætti. Stjórnmálamennirnir hafa allir sloppið heilir úr þessum hildarleik. Allir nema Geir Haarde.

Siemens fækkar störfum um 15000.

Siemens er eitt af þekktustu fyrirtækjum heims. Það var stofnað 1847 í Berlín. Werner Siemens og Johan Halske stofnuðu fyrirtækið. Starfsmenn eru um 370 þúsund í 190 löndum. Í Þýskalandi mun störfum fækka um 5000 en talsmenn fyrirtækisins útiloka uppsagnir. Sparnaðaráætlunin heitir Siemens 2014 og hófst fyrir einu ári. Ætlunin er að spara sex milljarða evra. Helmingur starfanna 15 þúsund verður farinn haustið 2014 með því að stöðva nýráðningar í ákveðnum hlutum fyrirtækisins. Sparnaðaráætlunin verður framkvæmd í samráði við verkalýðsfélög og fyrirtækjaráð. Í þýskum fyrirtækjum hafa starfsmenn áhrif á ákvarðanir fyrirtækisins í fyrirtækjaráði.

Ed Milliband og breski Verkamannaflokkurinn.

Styrmir Gunnarsson virðist hafa áhyggjur af jafnaðarmannaflokkum í Evrópu auk þess að vera í pólitísku vanlíðunarkasti ef marka má skrifin á Evrópuvaktinni. Honum tekst þó að sinna daglegu skylduverki sínu sem að að hnýta í Samfylkinguna. Hvað um það. Ed Miliband var kosinn formaður Verkamannaflokksins fyrir þremur árum. Það hefur verið sagt að hann stundi "zen jafnaðarstefnu" sem felur í sér rólega yfirvegandi nálgun á stjórnmálin og tækifæri til að horfa til lengri tíma. Við erum ein þjóð sagði Miliband í ræðu fyrir þremur árum. Efnahagsleg og félagsleg samstaða er í fyrirrúmi en það er hún svo sannarlega ekki hjá Íhaldsflokki Cameron. Miliband hefur haft sitt í gegn í mörgum málum. Strangari löggjöf hefur verið sett um fjölmiðla. Hann gagnrrýndi stefnu Camerons gagnvart Sýrlandi harðlega. Hann vill breyta tengslum Verkamannaflokksins við verkalýðsfélögin og stórefla innra flokksstarf,m.a. með mikilli fjölgun flokksfélaga. Samkvæmt skoðanakönnunum er fylgi flokksins á bilinu 37% til 39% og flokksstarfið sjálft einkennist af eindrægni fremur en sundurlyndi. Miliband á ýmislegt eftir óunnið. Í skoðanakönnunum kemur hann lakar út en Cameron sem þó stendur sig langt í frá glæsilega.

Guðlaugur Þór skilur ekki hagræðingu.

Þingmaðurinn skrifar grein í pressuna.is og segir myndina sem blasi við einfalda og dökka. Ríkissjóður er rekinn ár eftir ár með tapi og það gengur ekki. Þetta er rétt svo langt sem það nær en leiðir til úrlausnar eru margar. Guðlaugur Þór virðist vera algerlega blindur á sumar þeirra. Hann minnist hvergi á að ríkið geti aflað sér aukinn tekna og skapað jöfnuð þannig. Annað augar sér ekki og hitt augað sér illa. Áætlun AGS um frumjöfnuð sem gerð var 2008 stóðst ekki. Það er rétt en hvernig væri ástandið í menntamálum, heilbrigðirmálum og fleiri málum ef henni hefði verið fylgt mjög hart eftir? GÞÞ veltir því ekkert fyrir sér heldur les uppúr hagfræðibókum að kostnaðurinn muni lenda á komandi kynslóðum. Auðvitað minnist GÞÞ ekkert á hrunið. það er eins og áætlun AGS hafi af ástæðulausu dottið af himnum ofan. GÞÞ minnist á skýrslu um fjölda ríkisstarfsmanna og hann fer villandi með tölur í þeim augljósa tilgangi að koma höggi á fyrrvernadi umhverfisráðherra. Ársverkum hjá ríkinu fjölgaði um 198 frá 2007. Nú bætir GÞÞ við ; en fækkaði um 18 þúsund á almennum markaði. Því miður er þetta ekki útfært nánar en að stilla þessu svona upp er fáránlegt. 2007 var ofhitnað bólusamfélag við það að springa. GÞÞ minnist ekkert á stofnanir Menntamálaráðuneytisins þar þar var mest fjölgun ársverka. Hann segir hins vegar að starfsmönnum á vegum Umhverfisráðuneytis hafi fjölgað um 130. Hér var nauðsynlegt fyrir GÞÞ að tala um starfshlutfall þessara starfsmanna eða ársverk en það gerir hann ekki. Engra skýringa er leitað enda er niðurstaðan fyrirframgefin ; það ríkir agaleysi í ríkisrekstrinum. Í lokin hafnar GÞÞ flötum sparnaði (væntanlega ekki í samráði við BB) en hann vill gera kerfisbreytingar. Hverjar þær eru vitum við ekki.