Hjól græðginnar snúast.....

Jóhanna Sigurðardóttir hefur ritað grein í The Reykjavik Grapevine og lítur yfir farinn veg. Sýn Jóhönnu á aðdraganda hrunsins og hrunið sjálft er vel þekkt. Hún minnir á ummæli Carsten Valgreen fyrrum aðalhagfræðings Danske Bank frá því janúar 2009. Valgreen sagði að það að skipa fyrrverandi forsætisráðherra sem bankastjóra Seðlabankans hefði haft skelfilegar afleiðingar. Bankanum hafi verið stjórnað á ótrúlega ófagmannlegan hátt. Eitt af fyrstu verkum vinstri stjórnar hafi verið að skipta um yfirstjórn bankans en tap bankans hafi kostað ríkissjóð 270 milljarða. (Jóhanna er ekki ein um að gagnrýna Seðlabankann. Tveir hagfræðingar af austuríska skólanum hafa ritað bók og vilja rekja hrunið til rangrar stefnu bankans.) Vinstri stjórnin tók við búi í rústum. Bankakerfið hrunið, stór hluti fyrirtækja gjaldþrota, gjaldeyrisvarasjóður Seðlabankans horfinn, verðbólga 19%, vextir 18% , verðtryggðar skuldir vaxið hratt og mikið atvinnuleysi. Lars Christiansen , danskur hagfræðingur, var einn fárra sem spáði efnahagslegri kollsteypu árið 2008. 2012 taldi hann að miðað við dýpt kreppunnar hefði Ísland komið vel frá henni. Jóhanna telur að stórkostleg kosningaloforð Framsóknar séu helsta ástæða mikils kosningaósigurs Samfylkingar.( Um þetta atriði má eðlilega deila.) Jóhanna nefnir fleiri atriði eins og umsóknaraðild að ESB, stjórnarskrármálið, og óleyst skuldavandamál hluta heimila. Um núverandi stjórn segir Jóhanna að hún hygli hinum eignamestu og tekjuhæstu. Enn á ný snúast hjól græðginnar.

Fjöldi ríkisstarfsmanna eftir Hrun.

Á árunum 2007 til 2011 minnkuðu fjárheimildir til allra ráðuneyta um 27 milljarða á verðlagi ársins 2011. Á sama tíma fjölgaði ársverkum  á vegum ríkisins um 198 á landinu öllu en mjög misjafnt eftir ráðuneytum og landsvæðum. Mestur hefur niðurskurður starfa verið á vegum Velferðarráðuneytis og Iðnaðarráðuneytis. Mest fjölgun hefur verið í stofnunum Menntamálaráðuneytis og Umhverfisráðuneytis. Ársverkum karla fjölgaði um 114 en kvenna um 84. Fjöldi ársverka fækkaði mest á Norðurlandi eystra og næst mest á Austurlandi. Höfuðborgarsbæðið hefur ekki orðið fyrir niðurskurði hvað varðar heildarfjölda ársverka. Ef stofnanir eru skoðaðar kemur í ljós að fækkun ársverka er mest hjá Landsspítalanum og Tryggingarstofnun. Þær 5 stofnanir þar sem hefur orðið mest fækkun eru allar á höfuðborgarsvæðinu. Tekjuhrap og skuldsetning ríkissjóðs höfðu og hafa fjölmargar afleiðingar. Niðurskurður bitnar á fleiri sviðum en starfsmannafjölda. Niðurskurður á einu sviði t.d. heilbrigðirmálum þýðir að kostnaður og vinna eru flutt yfir á heimilin. Þörf á umönnum og eftirliti hverfur ekki við niðurskurð hjá ríkisstofnun. ( Hagfræðistofnun Háskóla Íslands: skýrsla nr C01:13)

Franklin Graham talar við Guð.

Páfi kaþólskra hefur látið þá skoðun í ljós að kaþólskir væru alltof uppteknir af samkynhneigð, fóstureyðingum og getnaðarvörnum. Það má til sanns vegar færa.  Í Gamla og nýja testamentinu er aðeins minnst á samkynhneigð á örfáum stöðum. Jesús sjálfur minnist aldrei á samkynhneigð. Meðal annars þess vegna eru áherslur svokallaðra bókstafstrúarmanna og íhaldssamra guðfræðinga einkennilegar. Væntanlega eru þó allir kristnir menn sammála um að lesa eigi Gamla testamentið í ljósi orða og kenninga Jesú. Gamla testamenntið er rit sem verður til á löngu horfnu menningarsögulegu skeiði. Það sem þar er ritað er augljóslega háð stað og stund. Hvernig getur annað verið? Í þriðju bók Móses eru leiðbeiningar um það hvernig stunda skuli þrælakaup og þrælasölu. Ekki einu sinni bókstafstrúarmenn trúa þessu bókstaf eða taka leiðbeiningar alvarlega. Kannski hefur Guð sagt þeim að þessar greinar eigi ekki lengur við? Annað tengist þýðingum. Gamla testamentið er ritað á hebresku og þýðingar úr fornum textum eru ekki einfalt mál eða allra. Það er t.d. ljóst að félagslega fyrirbærið samkynhneigð í samtímanum á sér ekki algera samsömun við fyrirbærið á ritunartíma Gamla testamentis. Í Guðspjöllum Nýja Testamentisins er hvergi minnst beinum orðum á samkynhneigð. Það gerir hins vegar Páll postuli í nokkrum bréfum sínum. Framlag Páls í sögu kristninnar er ótrúlega mikið og hann á mikinn þátt í því að kristin trú breiðist út með undraverðum hætti. Í nokkrum bréfum Páls fordæmir hann ákveðnar kynlífsathafnir. Hvað hann er að fordæma nákvæmlega eru hins vegar guðfræðingar og grískufræðingar ósammála. Er hann að fordæma samræði karls og karls? Er hann að fordæma samræði karls og konu sem er eins og samræði karls og karls? Er hann að fordæma vændi ungra drengja? Fordæmir hann ekki samræði kvenna? Um þetta eru til mikil rit og fræðimönnunum virðist ekki hafa dottið í hug að gera það sem einfaldast er : að spyrja Guð.

Fátækt á Íslandi (1).

Ísland er ríkt að náttúruauðlindum. Hér má vinna mikla orku úr jörðu og fallvötnum. Ósnortin náttúra landsins er auðlind í sjálfu sér og dregur hingað vaxandi fjölda erlendra ferðamanna á hverju ári. Íslensk fiksimið eru auðug og nytjastofnar margir. Stutt er að sækja á miðin. 80% af orku landsins er seld erlendum fyrirtækjum á afar lágu verði. Hluti þjóðarinnar nýtur arðsins af heitu vatni með beinum hætti. Í kvótakerfi er gróði útgerðarfyrirtækja einokunargróði. Í dag erum við vitni að ofsagróða stórra útgerðarfyrirtækja sem ráða stærstum hluta aflaheimilda. Ferðaþjónustan er sú grein sem mest nýtur hruns krónunnar. Afar lágt raungengi laðar hundruðir þúsunda ferðamanna til landsins. Arðurinn af auðlindunum rennur ekki á réttlátan hátt til þjóðarinnar. Misskipting tekna og eigna hér á landi er svipuð og hjá nágranna þjóðunum. Erfitt er að skoða eignamyndun vegna þess að slóð peninganna dylst. Eftir hrunið býr ákveðinn hluti þjóðarinnar við ágæt kjör. Sýndarneysla þessa hluta þjóðarinnar er áberandi og verður enn meira áberandi þegar vegið er að velferðarkerfinu og hluti Íslendinga býr við fátækt. Fáfækt er sýnileg t.d. þar sem matargjafir fara fram en hún er dulin og reynt að dylja hana. Samkvæmt rannsókn Hagstofunnar voru árið 2011 rúm 40 þúsund íslendingar undir lágtekjumörkum eða í hættu á félagslegri einangrun eða 13.6%. Fyrir heimili með tvo fullorðna og tvö börn undir 14 ára aldri vour lágtekjumörk 322 þúsund árið 2011. Lágar tekjur þýða minni neysla á vöru og þjónustu. Líklegra er alvarlegra að hætta er á félagslegri einangrun og og að fólk hafi ekki efni á nauðsynjum eins og lyfjum og læknisþjónustu. Árið 2011 var lágtekjuhlutfallið 9.2%. Á þessu sama ári bjuggu 2% landsmanna við verulegan skort á efnislegum gæðum( skuldir, hafa ekki efni á venjulegum mat, hafa ekki efni á fríi/ferðalögum, enginn bíll,og lítill aðgangur að fjölmiðlum.) Þetta hlutfall er lágt á Íslandi í alþjóðlegum samanburði.

Þýskir jafnaðarmenn ákveða viðræður við hægri flokkana.

Nú í kvöld ákvað miðstjórn flokksins að hefja viðræður. 250 fulltrúi tóku þessa ákvörðun. Í yfirlýsingu segir að almennir flokksmenn eigi að taka þátt í viðræðuferlinu. Jafnaðarmenn eru opnir fyrir viðræðum en ljóst er að þeir hafa ákveðnar áherslur. Kristilegir demókratar hafa þegar gefið til kynna að flokkarnir geti nálgast í skattamálum. Jafnaðarmenn munu leggja áherslu á fjölskyldustefnu og jafnrétti kynjanna. Þeir vilja efla velferðarkerfið og  atvinnu. Flokksforustan vill að allir félagar flokksins en þeir eru 470000 taki endanlega ákvörðun um stjórnarsamstarf. Skoðanakannanir benda til þess að meirihluti flokksfélaga vilji stjórnarsamstarf við flokka kristilegra demókrata. Kanslaraefni flokksins Peer Steinbruck hefur dregið sig til baka úr forystu flokksins. Það eru því formaður flokksins Gabriel og formaður þingflokksins Steinmeyer sem munu fara fyrir viðræðum.

Sigurður Ingi bullar innan lands og erlendis.

Framsóknarflokkurinn virðist afar óheppinn með ráðherra og reyndar þingmenn líka. Sigurður Ingi hefur verið afar yfirlýsingaglaður. Hann hafði uppi ýmis óheppileg ummæli um undirskriftasöfnun gegn lækkun veiðigjalds. Auk þess var framkoma hans í garð forsvarsmanna söfnunarinnar afar klaufaleg. Næst kemur hann með stórkallalega yfirlýsingu um afturköllun (nýyrði í þinglegri meðferð) laga um náttúruvernd. En nú hefur ráðherra landbúnaðarmála tjáð sig um lífræna ræktun á erlendri grund. Ráðherran virðist ekki hafa verið vel undirbúin. Elísa Guðmundssson framkvæmdastjóri Gló hefur gagnrýnt ræðuna harðlega og skilur ekkert hvað ráðherrann hvað ráðherrann var að gera á fundinum. Oddný Anna Björnsdóttir hefur einngi gagnrýnt ræðuna harðlega. Hún segir ráðherran hafa bullað um sjálfþurftarbúskap. Lífræn framleiðsla  hér er með því minnsta sem gerist í Evrópu en ljóst er að vaxtarmöguleikar eru afar miklir. Við verðum að vona víðsýni ráðherrans aukist með vaxandi þekkingu og næsta ræða á erlendri grund verði mun betri. Hvað heitir annars ræðuskrifari ráðherrans?

Íslam eru fjölmenn trúarbrögð.

1.6 milljarður manna aðhyllist Islam eða um 23% af öllum jarðarbúum. Árið 2010 voru 49 ríki í heiminum þar sem múslimar voru í meirihluta. 62% allra múslima búa í Suður og Suðaustur Asíu. 12.7% allra míslima búa í Indónesíu. Í Pakistan og Indlandi búa samanlagt 22% alls fjöldans. 20% múslima búa í Arabalöndunum. Í eftirtöldum löndum eru múslimar yfir 90% allra íbúa : Alsír, Afganhistan, Azerbaijan, Bangladesh, Komoros, Djibouti, Egyptaland, Gambia, Íran, Írak, Jórdanía,Kovoso, Líbýa, Mali , Maldives, Mauritania, Mayotte, Marroko, Niger, Pakistan, Palestína, Saudi Arabía, Senegal, Somalia,Sýrland, Taikistan, Túnis, Tyrkland, Turkmenistan, Uzbekistan, Vestur Sahara, og Yemen.

Eru fyrirtæki að flýja Ísland?

Fyrir nokkru skrifaði formaður Samtaka iðnaðarins grein. Hann hafði áhyggjur að samkeppnishæfni landsins og óttaðist atgerfisflótta og flótta fyrirtækja úr landi. Nú hafa allmörg fyrirtæki flutt höfuðstöðvar sínar frá landinu. Gjaldeyrishöft og aðgengi að fjármagni skipta miklu. Forstjórar stórra fyrirtækja eins og Össurar hafa marglýst því yfir að ekki sé hægt að rekja fyrirtæki  á alþjóðlegum markaði með höfuðstöðvar á Íslandi og örmynt sem gjaldmiðil. Margir óttast að fleiri fyrirtæki muni yfirgefa landið. En nokkur fyrirtæki er að koma til landsins. Nefna má líftæknifyrirtæki sem ætlar að hefja lyfjaframleiðslu hér á landi. Það er vegna þess að einkaleyfislöggjöf Íslands er slíkum fyrirtækjum sem framleiða samheitalyf hagstæð. Hjálmar Gíslason hjá DataMarket hefur skrifað mjög upplýsandi grein. Hann skrifar um íslensk sprotafyrirtæki og skýrir á ljósan hátt þær takmarkanir sem fyrirtækin búa við hér. Fjármögnunarmöguleikar eru litlir, þekking á alþjóðlegri markaðssetningu er lítil og fólk með sérmenntun er of fátt til að standa undir örum vexti. Það ríkir hörð samkeppni um það að laða til sín sprotafyrirtæki. New York og Boston eru borgir sem bjóða fyrirtækjum afar hagstætt umhverfi. Menn þurfa að glöggva sig vel á hver áhrif gjaldeyrishaftanna eru að mati Hjálmars. Ríkið þarf að styðja sprotafyrirtækin með framlögum úr Tækniþróunarsjóði og með skattaafslætti vegna rannsóknar og þróunarstarfs. Skattaafslátturinn er sérlega mikilvægur.

Hvað er Rightlivelihood Award?

Þetta er stofnun sem er skrásett í Svíþjóð og hefur skrifstofu í Stokkhólmi. Hún veitir verðlaun til að styrkja einstaklinga , rannsóknir eða menntun. Stofnunin vill útrýma fátækt, vinna að réttlæti, friði og jafnvægi í umhverfismálum. Verðlaunin eru stundum nefnd hin Nóbelsverðlaunin eða annars konar Nóbelsverðlaun. Þessi verðlaun hafa verið veitt síðan 1980 og í dag nema þau 57000 evrum.  Raji Sourani, lögfræðing í Palestínu voru veitt verðlaun fyrir baráttu sína í þágu mannréttinda. Paul Walker er bandarískur stjórnmálafræðingur sem hefur barist í áratugi fyrir eyðingu efnavopna. Denis Mukwege er læknir í Kongó en hann hefur meðhöndlað og læknað tugþúsundir fórnarlamba nauðgara. Hans Herren er landbúnaðarfræðingur frá Sviss sem rannsakað hefur baráttu gegn meindýrum með lífrænum aðferðum. Oft skipta peningarnir minnstu máli. Mestu skiptir umræða og athygli í fjölmiðlum sem veitir mikilvæga vernd.

Sigurður Ingi sættist við sjálfan sig.

Sigurður Ingi ritar grein í Fréttablaðið. Þar kennir ýmissa grasa. Hann telur að sjávarútvegur hafi verið "ein helsta" undirstaða farsældar hér á landi. Það er óþarfi að taka svona vægilega til orða. Sjávarútveguinn var helsti drifkraftur á nánast öllum hagvaxtarskeiðum á síðustu öld. Ráðherran nefnir síðan hlutdeild sjávarafurða í vöruútflutningi en ekki hlutfall greinarinnar í heildarútflutningstekjum sem er eðlilegt að gera. Ráðherrann virðist lítið hafa ferðast um sjávarbyggðir í starfi sínu sem dýralæknir. Fjöldi hátæknifyrirtækja kemur honum mjög á óvart. Nú, svo lengi lærir sem lifir. Ráðherrann vill að allir séu sáttir. Hann hefur rætt við fjölmarga útgerðarmenn á undanförnum vikum og þeir eru allir reiðubúnir að greiða veiðigjöld. (Þetta er ekki háð hjá bloggara!)Ráðherran bendir á mikilvægi vöruþróunar, nýsköpunar og rannsókna innan fyrirtækja. Þetta er mikilvægt mál og hefur verið í áratugi. Íslensk fyrirtæki eru yfirleitt það lítil að þau geta ekki sinnt þessu hvert fyrir sig. Þess vegna hefur samstarf og samvinna fyrirtækja á afmörkuðum sviðum. Ráðherran bendir á sjálfsagða hluti; Samfélagsleg þátttaka útgerðarfyrirtækja er mikilvæg á landsbyggðinni og sérstaklega í sjávarþorpum. Auðvitað þannig hefur þetta lengi verið . Niðurstaða af greininni: sveitamaður kynnist sjávarbyggðunum.