Skákæði í Noregi vegna heimsmeistaraeinvígis.

Norðmenn eru þekktir fyrir dálæti sitt á hægum útsendingum í sjónvarpi. Sjónvarpið fylgdist með siglingu ferju eftir langri strandlengju Noregs marga klukkutíma á dag. Lengsta viðtal í norska sjónvarpinu tók 30 klukkutíma.  Nú fylgjast þúsundir Norðmanna með einvígi Carlsen og Anand sem fram fer á Indlandi. Norðmenn eru ákaflega stoltir af afreksmönnum sínum í íþróttum. Skærustu stjörnurnar eru í vetraríþróttum. 13 ára gamall var Carlsen stórmeistari og nú er hann í allra fremstu röð stórmeistara í heiminum. Nrk og Vg eru með beinar útsendinar. Stórmeistarar skýra skákirnar og áhorfendur geta komið með athugasemdir og tilgátur um næstu leiki. Í fjórðu skákinni voru 35000 notendur tengdir við beina útsendingu NRK. Norskur drengur sem kemst í fremstu röð er alltaf sigurvegari virðist vera viðhorfið. Í skólum og vinnustöðum hafa víða verið komið fyrir stórum skermum og þar er fylgst með af áhuga. Hjá þessari ríku olíuþjóð virðist vinna og nám hafa þokað fyrir skákáhuga amk í bili. 

Vöxtur kortaveltu fer fram erlendis en ekki innanlands.

Að raungildi jókst kortavelta Íslendinga erlendis um 8.5% frá okt. 2012 til okt 2013. Kortavelta innanlands jókst á sama mælikvarða um 1.5%. Á sama tíma aukast brottfarir Íslendinga um 6.4%. Raunaukning í allri kortaveltu er 2.4%. Það sem af er árinu hefur raunaukning í kortaveltu verið 5.2% en fjölgun brottfara 0.6%. Þetta þýðir auðljóslega að meðaleyðsla á hvern einstakling hefur aukist. Nú er ein brottför ekki sama og einn einstaklingur og kaup á vöru og þjónustu er innflutningur á vöru og þjónustu. Nú er kortavelta ekki sama og einkaneysla og nær ekki yfir nema hluta af henni. Þessar stærðir þurfa heldur ekki að þróast með sama hætti. Kortavelta Íslendinga erlendis er meiri en kortavelta útlendinga hér á landi. Munurinn er nálægt tveimur milljörðum. Ef svo fer fram sem horfir mun jafnvægi skapast hér innan tiltölulega skamms tíma.

KPMG FS og tveir starfsmenn dæmdir í Hæstarétti.

Þessir aðilar voru dæmdir í Hæstarétti tl að greiða fyrrverandi eigenda Vinnulyftna hf 122 milljónir í skaðabætur. Kpmg var ekki talið hafa gætt hagsmuna eigendans en endurskoðunarfyrirtækið hafði milligöngu um söluna. ( Málið er númer 302 og má lesa um það á síðu Hæstaréttar). Fyrrverandi eigandi var sjálfur látinn bera þriðjung tjóns síns vegna þess að hafi ekki sýnt nægilega aðgæslu. Í viðtali við dv.is sagði fyrrverandi eigandi að hann væri sigurvegari í málinu. Um hefði verið að ræða svikamyllu sem hafði það markmið að féflétta hann. Hann taldi gott og réttlátt að hvítflibbabrotamenn væru einnig dæmdir og færu halloka gegn almenningi sem hann taldi sig greinilega vera hluta af. Það er ljóst að þessi dómur mun hafa allnokkru áhrif. Áritanir endurskoðenda sæta nú efnislegri endurskoðun Hæstaréttar er haft eftir lögmanni. (Hefur það ekki verið þannig hingað til?) Jón S Helgason framkvæmdastjóri KPMG segir að niðurstaða Hæstaréttar hafi komið okkur( væntanlega KPMG) á óvart. Margir sem standa í svipuðum viðskiptum munu nú hafa töluverðar áhyggjur af dómnum segirsegir hann ennfremur skv mbl.is. -Þetta eru undarleg ummæli. Dómurinn hefur fordæmisgildi og hann er leiðbeinandi fyrir alla slíka samninga. Áhyggjur eru óþarfar. Menn þurfa að lesa dóminn og draga réttar ályktanir. Og fara síðan að lögum.

Öfgaflokkar til hægri mynda bandalag.

Le Pen og von Wilders ætla að vinna saman á Evrópuþinginu eftir næstu kosningar. Nýstofnuð samtök þeirra heita Evrópska frelsisfylkingin. Á Evrópuþinginu munu þau mynda Fraktion og markmiðið er að berjast gegn ESB. Þau reyna stöðugt að greina sig frá öfgafullum skoðunum en þeirra eigin orðræða er hættulega nærri þeim. Wilders sem er leiðtogi PVV í Hollandi hyggst nú berjast gegn skrýmslinu í Brussel( hans orðalag). Le Pen leiðtogi Front national talar um að tímamót hafi orðið. Fleiri flokkar munu bætast í samtökin og mynda sterkt afl á Evrópuþinginu. Við viljum fá lýðræðið aftur segir hún. Innan ESB erum við í þrældómi. Frakkland á að ganga úr ESB og ráða sínum málum sem fullvalda ríki. Wilders lætur nú hagfræðinga reikna út hvað það muni kosta Holland að ganga úr ESB. Á fjöldafundum flokks hans hafa nýfasistar birst með slagorð og mótmælasspjöld. Fyrst kemur eigin þjóð stóð þar meðal annars. Marie Le Pen leit á útrýmingarbúðir þýskra nasista sem aukaatriði í sögunni en dóttirin segist ekki hafa erft allar skoðanir föður síns. Enn er óljóst hverjir muni ganga í samtökin. Nigel Farage leiðtogi UKIP virðist ekki mjög áhugasamur.(Spiegel).

Refsingar við smygli á fíkniefnum í nokkrum löndum.

Refsingar eru breytilegar eftir aðstæðum og mjög ólíkar frá einu landi til annars. Það skiptir máli hversu mikið magnið er og hversu hættulegt efnið er. Það skiptir einnig máli hvort viðkomandi er félagi í skipulögðum glæpasamtökum og hvort hann hefur hlotið refsingu áður. Í Austurríki getur refsing verið allt að 5 árum.  Í Belgíu er refsing 3 mánuðir til 5 ár. Í Króatíu er refsing 3 til 15 ár. Í Danmörku er refsing allt að 2 árum ef um lítið magn er að ræða.Ef um er að ræða mikið magn af veikari efnum getur refsing verið allt að 10 árum. Ef um hörð efni er að ræða, eins og heróín og  kókaín getur refsing orðið allt að 16 ár. Í Frakklandi getur refsing orðið mest 10 ár. Sektir geta orðið afar háar. Í Noregi er 3 til 15 ára fangelsi fyrir smygl á verulegu magni fíkniefna.  (emcdda).

Hver ráðherra hefur 5 aðstoðarmenn og allur hópurinn eru þingmenn.

Upp er komin merkileg stað á Alþingi. Þingmaður sem eingöngu er háður samvisku sinni og hefur það hlutverk að setja lög og móta stefnu í landsmálum er nú orðinn aðstoðarmaður ráðherra. Forseti Alþingis hefur lagt blelssun sína yfir málið og telur það af hinu góða. Í lögum um stjórnarráð Íslands frá 2011 stendur í 22. grein : ráðherrum er heimilt að ráða aðstoðarmenn. Aðstoðarmenn skulu á hverjum tíma ekki vera fleiri en tveir. Heimilt er hins vegar að ráða þrjá til viðbótar samkvæmt ákvörðun ríkisstjórnar ef þörf er talin á. Í lögunum er tekið fram að aðstoðarmaður starfi ekki lengur en ráðherra sjálfur(sic). Aðstoðarmaðurinn heyrir beint undir ráðherrann.-Nota bene-. Ákvörðun kjararáðs ræður starfskjörum aðstoðarmanns. Hér eru miklir hagræðingarmöguleikar. Hvernig væri ef allir ráðherrar réðu eingöngu þingmenn sem aðstoðarmenn? Mikill launakostnaður myndi sparast. Að visu ber að viðurkenna að skilin milli löggjafarvalds og framkvæmdavalds yrðu ákaflega óljós. Í langa herrans tíð bjó íslenska þjóðin við það að skilin milli framkvæmdavalds og dómsvalds voru enga vegin ljós. Sýslumenn voru yfirmenn lögreglunnar en um leið dómarar. Dómarar á Íslandi eru skipaðir af ráðherrum, þ.e. af pólitísku valdi. Er ekki rétt að hafa samræmi í vitleysunni?

Umbætur í Kína. Markaður og vald flokksins.

Í fjóra daga hefur miðstjórn Kínverska kommúnistaflokksins þingað en niðurstaðan er fremur óljós. Í ályktun er mikið rætt um markað en kjarni málsins er að tryggja völd flokksins. Í miðstjórninni eru 205 æðstu embættismenn flokksins og 171 frambjóðendur. Þeir vilja nýtt og skilvirkara skattakerfi, nútímalegt fjármálakerfi og fleiri fríverslunarsvæði. Hagkerfi Kína er sósíalismi með kínverskum einkennum stendur þar. Opinber eign er ráðandi en styðja ber frumkvæði og nýsköpun. Mikilvægt er að tryggja forystu flokksins en jafnframt á að skapa sósíalískt réttarkerfi. Stofna á nefnd sem sér um innra öryggi ríkisins.Gæti það merkt að kínversk útgáfa af KGB verði til? Kína á við margvísleg vandamál að stríða:1)bankakerfið; flokkur og ríki ákveða vexti og á hverju svæði fyrir, sig hver fær lán. 2)gengi gjaldmiðilsins Yuan fer ekki eftir framboði og eftirspurn. Það eru forystumenn flokksins sem ákvarða gengið. 3)farandverkamenn eru 300 milljónir og þeir eru annars flokks borgarar. 4)ríkisfyrirrtækin. Flokksmenn stjóra 110 risastórum fyrirtækjasamsteypum. Aðrir komast einfaldlega ekki að. Það er óljóst hvernig tekst að leysa úr þessum ógnarstóru vandamálum. Okkar vegna og Kínverja vegna skulum við vera bjartsýn.

Föst sambönd, skyndikynni og kynlíf á háskólasvæðum.

Samkvæmt óformlegri könnun sem gerð var á student.is höfðu 15% svarenda stundað kynlíf á háskólasvæðinu. 70 manns tóku þátt í könnuninni og hún er ekki vísindaleg í venjulegri merkingu. Úrtakið mun ekki hafa verið rétt valið og engin leið er að meta áreiðanleika svaranna. Hvað um það. Víða í heiminum eru stundaðar rannsóknir á kynlífi stúdenta. Í nýlegum bandarískum rannsóknum hefur komið í ljós að föst sambönd eru mun hagstæðari fyrir konur en skyndikynni hvað fullnægingu varðar. Þrátt fyrir jafnræði á skyndikynnamarkaðinum milli karla og kvenna hefur það ekki breyst að karlar eru líklegri til að fá fullnægingu en konur. Í rannsókn sem gerð var á stúdentum við Indianaháskólann kom í ljós að konur í föstum samböndum voru helmingi líklegri til að fá fullnægingu en þær sem höfðu marga maka á skyndikynnamarkaði. Í annarri rannsókn tóku 24000 stúdentar þátt og tók hún fimm ár. Í þeirri rannsókn kom í ljós að 40% kvenna höfðu fengið fullnægingu í síðustu skyndikynnum en hins vegar 80% karla. Af þeim konum sem voru í föstu sambandi fengu 75% fullnægingu í síðustu samförum.  Um fjórðungur kvenna fær fullnægingu eingöngu við sjálfsfróun. Sérhver lífsstíll hefur sína kosti og galla. Allir hafa frjálst val. (well.blogg.nytimes.com)

Þjóðernishyggja fyrir og eftir hrun.

Þjóðernisumræða hefur alltaf verið hluti af stjórnmálaumræðunni. Eftir hrun hefur hún verið mjög áberandi. Öll stjórnmálaumræða fer fram með því að nota tákn en þau geta haft mikið tilfinningalegt gildi. Þjóðernishyggja er mikilvæg í pólitískum og menningarlegum skilningi. Hún veitir einstaklingi þá tilfinningu og vissu að hann tilheyri pólitísku kerfi. Mikilvægt í þessu ferli er að búnar eru til táknmyndir sem hafa það hlutverk að sameina þjóðina. Sem dæmi um opinber tákn má nefna fána, skjaldarmerki og þjóðsönginn. Óopinber tákn eru t.d. íslensk náttúra, ósnortin og hrein, íslenski hesturinn, skáld, rithöfundar og listamenn sem skapað hafa mikil menningarverðmæti. Nefna má einstök dæmi :Fjallkonan sem er tákn þjóðarinnar, tungumálið er tæki menningarinnar en um leið eitt sterkasta tákn þjóðernishyggju, víkingar og víkingatíminn, þjóðbúningurinn og mörg fleiri tákn mætti nefna. Íþróttalið geta bæði verið tákn fyrir þjóðina hæfileika hennar og getu en einnig veita þau tækifæri til samsömunar. Bæði opinber og óopinber tákn eru notuð í auglýsingum og kosningaáróðri. Þá eru þau tengd við ákveðna vöru eða málstað. Þjóðernisyggjan tengist ákveðnum atburðum eða samkomun. 17. júní ber þar auðvitað hæst. Evróvision keppnin verður til það að þjóðernishyggja eða -kennd kemur í ljós og eins konar þjóðhátíðarstemming verður til. Margir telja þorrablót og þorramat sérstaklega þjóðleg fyrirbæri. Þorrablótin eru reyndar ágætt dæmi um það sem er nefnt tilbúin hefð. Eftir hrun má sjá ýmis merki þess að þjóðernishyggja hafi elfst sem er reyndar eðlileg þróun. Hún er skiljanleg út frá tilfinningum.

Fjárhagsstaða sveitarfélaga 2012.

Fjármál sveitarfélaganna markast af hruni bankakerfisins eða fjármálakerfisins í heild  sinni. Þróun nokkurra vísitala árin 2007 til 2012 skýrir málið. Á þessu tímabili hækkaði gengisvísitalan um 86% og vísitla neysluverðs um 51%. Heildartekjur sveitarfélaganna uxu á sama tíma um 28.6%. Rauntekjur hafa því lækkað. Á sama tíma jukust rekstrargjöld um 36.4%. Laun og launateng gjöld sem hlutfall af heildartekjumm hefur hækkað. Á tímabilinu hefur framlegð sem hlutfall af heildartekjum lækkað úr 15% í 9%. Skuldir og skuldbindingar hafa vaxið um 55% á tímabilinu. Nettóskuldir hafa vaxið úr 54% í 99%. 

39 sveitarfélög stóðust ekki  fjárhagsleg viðmið sveitastjórnarlaga. Skuldahlurtfall má ekki vera hærra en 150%. Við þær aðstæður fara 15% tekna í afborganir. Nefna má Stykkishólmsbær þar sem skuldahlutfallið er 150%, Ísafjarðarbær með 175%, Kópavogsbær með 244%, Sandgerðisbær með 388% og Norðurþing 245%. Skuldahlutfall Reykjanes bæjar er 257%. Öllsamstaðan skuldar 37.5 milljarða.  Sérstakar aðgerðir og samningar voru gerðir við eftirfarandi sveitarfélög: Svalbarðshrepp, Vesturbyggð,Sandgerðisbæ, Skaftárhrepp og  Grundafjarðarbæ. Í stærsta sveitarfélagi landsins; Reykjavík voru íbúar 119764 árið 2012. Skuldahlutfall var 83% og netto 54%.Heildartekjur á íbúa voru 610 þúsund krónur en heildarskuldir 508 þúsund krónur. Garðabær er draumasveitafélag tímaritsins Vísbendingar árið 2013. Síðan koma Seltjarnatnes, Snæfellsbær og Hornafjörður. Á botni listans er Álftanes og Kópavogur. Í þessum samanburði er Reykjavík í 31. sæti. Almennt séð er þróunin jákvæð í fjármálum sveitarfélaga.