Francois Heisbourg: ESB verður að fórna evrunni til að bjarga sambandinu.

Heisbourg var háttsettur embættismaður í franska utanríkisráðuneytinu. og vinnur nú hjá alþjóðlegum rannsóknarstofnunum. Hann er stjórnmálaffræðingur. Hann segir að evran hafi verið hugrökk tilraun en hún hafi mistekist. Það að leysa upp evrusvæðið er sársaukafullt en það er þó illskárri kostur en fjöldaatvinnuleysi sem fylgir evrunni. Það er lélegasta lausnin að frátöldum öllum öðrum lélegum lausnum. Þær aðgerðir sem hafa reynst nauðsynlegar til að styrkja evruna hafa klofið ESB niður, efnahagslega, félagslega og pólitískt. Fjöldi þeirra kjósenda sem eer óánægður af einhverjum ástæðum fer vaxandi. Niðurskurður, atvinnuleysi, ótti við atvinnuleysi, ótti við fjárhagslegar skuldbingingar ríkja.....Kosningar til Evrópuþingsins geta hæglega orðið að uppreisn kjósenda. Evrusvæðið hefur ekki enn náð stöðunni eins og hún var 2008. Í Evrópu er að verða til glötuð, týnd , kynslóð á vinnumarkaði. Nú vaxa líkur á útgöngu Bretlands úr ESB. Svíþjóð sýnir að vel sé hægt að vera í sambandinu en með eigin mynt. Heisbourg segist alla ævi hafa verið fylgjandi föderalisma eða sambandsríki Evrópu. Hann sjái hins vegar að það gangi ekki með evrunni. En á evrusvæðinu er ekkert slíkt sambandsríki og ekkert í augsýn.(die Welt).

Þróun vinnumarkaðar í USA.

Vinnumarkaður í USA hefur verið álitinn dynamiskur og kraftmikill. Vinnuaflið er mjög hreyfanlegt og það er mikilvægt svo ein mynt geti virkað á svo stóru svæði.  Vinnumarkaðuinn er sundurbútaður og marg lagskiptur. Nú hefur atvinnuleysið verið að lækka og komið niður í 6.7% en reyndar af rangri ástæðu. Atvinnuþátttakan er að minnka en ekki fjöldi þeirrra sem vinna.  Atvinnuþátttakan var 62.8% í desember 2012 en lægri hefur hún ekki verið síðan 1978. 7.7 milljónir manna eru í hlutastörfum.  Frá fjármálakreppunni 2008 hafa 9 milljón starfa glatast/verið lögð niður. Á sama tíma hafa orðið til 8 milljón ný störf. En þetta nægir ekki, vegna þess að fólki á vinnufærum aldri er að fjölga. Í janúar 2010 var 20.1% vinnandi manna í hlutastörfum. Það fjölgar stöðugt í þessum hópi. 1968 voru 13% í hlutastörfum. 58% nýrra starfa núna eru láglaunastörf. Störfin sem glötuðust voru aðallega með meðallaun. Algeng eru afgreiðslustörf í veitingahúsum og í stórverslunum.  Langtímaatvinnuleysi er mjög alvarlegt-eins og hefur verið í fréttum nýlega- og það hefur ekki verið hærra en í Kreppunni stóru á 3ja og 4ða áratug síðustu aldar. Á nýfrjálshyggjuskeiði síðustu 30 ára hefur margvíslegum iðnaði í USA hnignað mikið og tiltölulega vellaunuð og örugg störf hafa glatast. Samkvæmt opinberum tölum búa 15% íbúa í fátækt og meðaltekjur hafa lækka en tekjur dreifast ójafnar en áður. Ójöfn dreifing tekna hefur vaxið á tímabilinu 1970 til 2010. Deifingin hefur ekki orðið ójafnari vegna þess að mikiða f afburða vel menntuðu fólki sé í toppstöðum eða stjörnum í kvikmyndum, tónlist og íþróttum hafi fjölgað svo mikið. Nei, skýringin er sú að tekjur af fjármagni vaxa stöðugt. Eignamyndunin vex mun hraðar en tekjur á heildina litið. ( M Roberts blog)

SA fer rangt með tölur um afkomu sjávarútvegsfyrirtækja.

Kjarabaráttan virðist fara illa í menn á skrifstofu Samtaka atvinnulífsins. Í vanlíðunarkasti sendu þeir frá sér fréttatilkynningu og gagnrýna þar ónefnda verkalýðsforingja sem víla ekki fyrir sér að ýkja stórlega afkomu sjávarútvegsins, eins og þetta er orðað í frumtextanum. Hafi menn ítrekað fullyrt að hagnaður greinarinnar sé tvöfalt meiri en hann er í raun og veru! Hið sanna í málinu er segja mennirnir á skrifstofu SA að hagnaður greinarinnar var 35 milljarðar eftir skatta 2012. (Þeir minnast á lækkun sjófrystra afurða á þessu ári sem þýði versnandi afkomu.Hins vegar minnast þeir ekkert á sölu á frystitogurum eða sölu Guðmundar vinalausa á frystitogara til sjálfs síns á Grænlandi). En galli er á gjöf Njarðar(sjávarguðsins); talan sem menn SA nefna er hvergi að finna í riti Hagstofunnar um Hag vinnslu og veiða 2012. Í því riti er þó allar tölur að finna; hagnaður fyrir og eftir skatta, hagnaður fyrir fjármagnsgjöld og skatta, hreinn hagnaður samkvæmt árgreiðsluaðgerð, heildareignir og heildarskuldir,allur pakkinn.....

Paul Krugman ; kreppan í Evrópu mun vara lengi......

Í síðustu viku var Krugman á ráðstefnu í Ósló. Þjóðir Evrópu mega búast við því að atvinnuleysi, fjöldafátækt og veik velferðarkerfi verði viðvarandi um langa hríð. Það eru einstök batamerki og núna er ástandið mun betra en þegar það var verst segir Krugman. Það mun verða vöxtur en ekki mikill vöxtur. Hann mun ekki nægja til að lina þjáningar. Krugman hefur á undarförnum árum gagnrýnt niðurskurðarstefnu harðlega bæði í USA og Evrópu. Krugman leggur áherslu á að mikið atvinnuleysi hafi mjög neikvæð áhrif á eftirspurn. Krugman hefur hvatt til opinberra fjárfestinga í stað niðurskurðar og hann telur að laun séu of lág í sterku hagkerfum Evrópu og megi ekki lækka í veikari hagkerfum. Krugman segist undrandi á því hversu miklar þjáningar menn leggi á sig og aðrar þjóðir með harkalegum niðurskurði. Eitt af því jákvæða er lágvaxtastefna Evrópska Seðlabankans. Niðurskurðurinn á Grikklandi og Spáni var tilgangslaus og skaðlegur. (klassekampen). 

Þýskir bjórframleiðendur sektaðir fyrir verðsamráð.

Meðal framleiðenda sem verða að borga sektir eru Veltin, Warsteiner og Krombacher. Þýska samkeppniseftirlitið (Kartelamt) hefur sektað framleiðendur um 106 milljónir evra. Fyrirtækin eru sektuð vegna verðsamráð og 7 forstjórar verið ákærðir. Ýmist eru málaferli í gangi gegn einstökum framleiðendum eða samningar um að leysa málið með sektargreiðslum. Verðsamráðið fól í sér samræmdar verðhækkanir og þær voru ákveðnar í persónulegum samtölum og samtölum í síma.  Í mars á síðasta ára var ljóst að samkeppniseftirlitið var að rannsaka verðamráð bjórfyrirtækjanna. Auk áðurnefndra fyrirtækja eru Bitburger og Barre til rannsóknar. Það með eru allir helstu og þekktustu þýsku bjórframleiðendurnir undir sömu sök seldir. 

Konurnar í lífi forseta Frakklands.

Frönsk blöð gera eér mikinn mat úr framhjáhaldi Hollande forseta. Hann virðist eiga í ástarsambandi við leikkonuna Julie Gayet. Í nokkur ár hefur hann búið með blaðakonunni Valiere Trierwieler. Umfjöllun fjölmiðla og umtal hefur fengið svo mikið á hana að hún hefur lagst inná sjúkrahús í einn eða tvo daga til hvíldar. Miðað við það sem áður var eru franskir fjölmiðlar afar aðgangsharðir núna. Frásagnir af forsetanum og konum hans eru helstu fréttir í sjónvarpi, útvarpi og blöðum. Tímaritið Closer birti myndir sem sýna áttu Hollande forseta með hjálm á vélhjóli fyrir utan heimili leikkununnar ungu. Hann var með croissants undir hendinni( hvað annað?). Mörgum fannst þetta fyrir neðan allar hellur; ég gæti ælt sagði Daniel Cohn-Bendit. Aðrir veltu fyrir sér öryggismálum forsetans; er nægjanlegt að hafa einn öryggisvörð og vera sjálfur á vélhjóli?. Aðrir forsetar voru ekki englar í þessum málum. Francois Mitterand átti í ástarsamböndum og auk þess lifði hann tvöföldu fjölskyldulífi. Hann átti konu og dóttur við hlið opinberrar fjölskyldu. Forsetinn kom því svo fyrir að þau lifðu á kostnað hins opinbera ens og blaðamannastétt Frakklands var velkunnugt um. Áður en Hollande varð forseti var hann giftur Segolene Royal í 30 ár og eiga þau fjögur börn. 

Vaxtalaus bílalán eru blekking segir Frosti Sigurjónsson.

Að undnaförnu hafa nokkur bílaumboð auglýst vaxtalaus lán. Þetta hlýtur að hljóma vel í eyrum neytenda og hugsanlegra bílakaupenda. Nú losna þeir við vaxtagreiðslur en standa að öðru leiti jafnfætis öðrum kaupendum skyldi maður ætla. Er það kannski hagstæðasti kosturinn að taka lán? Hagur bilasala er augljós. Þeir vilja auka veltuna.Það er dýrt að sitja uppi með mikinn bílaflota sem selst hægt og illa. En nú hefur þingmaður bent á það að ekki er allt sem sýnist. Þeir sem taka vaxtalausulánin fá ekki afslætti eða aukahluti sem þeir fá sem taka venjulegt bílalán með vöxtum. Þar stóð hnífurinn í kúnni. Kannski eru vaxtalausulánin ekkert skárri en þau sem eru með vexti. Dæmi sem að Frosti býr til bendir til að svo sé. Auk þess ber lánveitendum að birta, skv. lögum, árlega hlutfallstölu kostnaðar. Frosti vill ekki túa því að bifreiðaumboðin sniðgangi lög um neytendavernd. Því vill blokkari ekki heldur trúa.

ESB; deilur um réttindi atvinnulausra innflytjenda......

24 ára gömul kona frá Rúmeníu og barnungur sonur hennar hafa dvalist í Þýskalandi síðan 2010. Fyrst bjó rúmenska konan hjá systur sinni í Leipzig. Þar fékk hún barnabætur og framfærslustuðning frá borginni. Konan hafði aðeins verið 3 ár í skóla og fékk enga vinnu. Hún sótti þá um stuðning sem í reglugerð heitir Harz iv(samsvarar nokkurn veginn atvinnuleysisbótum hjá okkur) en  því en því hafnaði vinnumiðlunin. Rúmenska konan kærði þá ákvörðun og Félagsdómstóll í Leipzig vísaði málinu til Evrópska dómstólsins í Lúxemburg. Lögmenn framkvæmdastjórnarinnar (Kommission) sögðu fyrir réttinum að konan ætti rétt á fullum bótum skv Harz iv. Litið var á þetta sem yfirlýsingu frá Framkvæmdastjórninni. Eðlilega vakti þetta mikil og hörð viðbrögð. Harðar deilur hafa orðið um málið í Þýskalandi og víðar. Forseti Evrópuþingsins hefur tjáð sig um málið. Það er ljóst að þetta er mjög eldfimt mál og haft ófyrirsjáanlegar afleiðingar. Í Berlín eru 17% á vinnumarkaði á atvinnuleysisbótum. Í Bæjaralandi er talan 3.3%. 

Sigurður Ingi fer til Nýju Jórvíkur.....

Í ferðadálki bandaríska stórblaðsins NYT birtist örstutt umsögn um Íslands sem ferðamannaland. Þar var ýmsum ofsögum sagt. Þjórsárver voru sögð 40% af flatarmáli landsins. Ferðamenn voru hvattir til að heimsækja landið áður en hálendið hyrfi í virkjanir, veitugarða og vegi. Ráðherranum ráðgóða datt það í hug að láta náðuneyti sitt hið minna leiðrétta misskilning og rangfærslur stórblaðsins. Í tilkynningu frá ráðuneytinu segir að grein(sic) hafi birst í blaðinu og hún sé full af rangfærslum. Þjórsarver séu 0.5% af flatarmáli landsins en ekki 40% ! Í tilkynningunni segir einnig að verið sé að stækka friðlandið. Svo mörg voru þau orð.  En það eru ekki bara ráðuneyti sem leiðrétta rangfærslur. Það gera líta vísindamenn. 12 vísindamenn sem unnu sem sérfræðingar í 2 áfanga rammaáætlunar birta opið bréf til ráðherrans í fjölmiðlum 8.1. Þar eru gagnrýnd 3 atriði í rökstuðningi ráðherrans fyrir þeirri ákvörðun að breyta mörkum fyrirhugaðs friðalnds Þjórsárvera. Fossaröðin í Þjórsá( Kjálkaversfoss/ Hvanngiljafoss, Dynkur og Gljúfurleitarfoss) er nú utan hins friðlýsta svæðis. Áður höfðu Samtök ferðaþjónustunar og Náttúruverndarsamtök Íslands gagnrýnt ákvörðun ráðherra. Sveitastjórn Skeiða og Gnúpverjahrepps lagði til að ákvörðun um stækkun friðlands yrði frestað. Sveitastjórnin telur að með því að leita eftir samþykki á breytingum marka friðlandsins sé í reynd verið að leita eftir samþykki fyrir veitu framkvæmdum. Um þetta má lesa í Sunnlenska. En kannski eru ýkjurnar í Jórvíkurblaðinu ekki alveg úr lausu lofti gripnar; á að leggja háspennulínu um Sprengisand fyrir stóryðju á Austurlandi? á Leirhnjúkur-Gjásstykki að vera iðnaðarsvæði? Á að leggja sæstreng til Skotlands? Álver á Bakka? Sagan Endalausa?

Mið- Afríkulýðveldið ; ógnaröld og grimmdarlegt stríð.

Í dag sagði forsetinn M Djotodia af sér. Hann var fyrsti forsetinn sem er íslamskrar trúar.  Hann segir af sér af því að honum hefur ekki tekist að stöðva átök og ofbeldi í landinu milli trúarhópa. Forsætisráðherra hans sagði einnig af sér. Djotodia varð forseti í mars eftir að Seleka samtökin frömdu valdarán í landinu. Nú í rúmt ár hefur ríkt grimmilegt stríð milli kristinna manna og múslíma. Ein milljón manna hefur orðið að flýja heimili sín. SÞ hafa lýst ástandinu sem algjöru neyðarástandi. Íbúar í landinu eru 4.5 milljónir og opinber tungumál eru franska og sango. Landið var nýlenda Frakka og hlaut sjálfstæði 1960 og er eitt af fátækustu ríkjum Afríku. Fjölmörg valdarán hafa verið framin í landinu. Bokassa var lengi við völd og valdatíð hans einkenndist af mikilli grimmd. Honum var steypt af stóli 1979. Demantar hafa verið mikil tekjulind en einnig uppspretta átaka. Náttúrugæði landsins eru mikil. Í landinu er fjöldi ættbálka, amk 7 fjölmennir. Gbayafólkið er fjölmennast eða tæp milljón.Þessi ættbálkur er einnig fjölmennur í Kongó. Bandafólkið er næstfjölmennasti ættbálkurinn. Borgarastyrjaldir í ríkjum Afríku eru gjarnan ættbálkastríð. Ungbarnadauði í landinu eru 95 á hver 1000 lifandi fædd börn. Lífslíkur karla eru 50 ár en kvenna 52 ár. Læknar á hverja 1000 íbúa eru 0.05. Tæplega 60% íbúa er læs.